Qarşılıqlı etimad

Bakı:

25 °C

78 %

3 m/s

Əlaqə

AZ RU EN

Ana səhifə / YAP xəbərləri / Qarşılıqlı etimad

Qarşılıqlı etimad

23.06.2023 [10:50]

Azərbaycanın ikitərəfli əlaqələrin inkişaf etdirilməsi istiqamətində atdığı addımlar davamlılığı ilə diqqət çəkir. Qarşılıqlı səfərlər bu əlaqələrin inkişafında əhəmiyyətli rol oynayır. Bir mühüm məqamı da qeyd etməliyik ki, tarixi Zəfərimiz əməkdaşlıq münasibətlərini daha da dərinləşdirərək yeni istiqamətlər üzrə inkişafında stimulverici amil rolunu oynadı. Bu baxımdan Azərbaycan-Pakistan münasibətləri diqqətdədir. Qarşılıqlı etimada, hörmətə və hədsiz səmimiyyətə əsaslanan bu əlaqələrin daha da inkişafı üçün geniş imkanlar mövcuddur. İyunun 15-də Pakistan İslam Respublikasının Baş naziri Məhəmməd Şahbaz Şərifin ölkəmizə rəsmi səfəri də qarşılıqlı əlaqələrimizin yüksək inkişafının göstəricisidir.

Bu gün Pakistanı tam əminliklə Azərbaycanın Türkiyədən sonra dünyadakı ikinci əsas strateji müttəfiqi hesab etmək olar. İki ölkə arasında həm ikitərəfli, həm də çoxtərəfli intensiv münasibətlər mövcuddur. İndiyədək hər iki ölkə BMT, İslam Əməkdaşlıq Təşkilatı, İqtisadi Əməkdaşlıq Təşkilatı və digər beynəlxalq, regional qurumlarda eyni mövqedən çıxış edib, Kəşmir və Qarabağ problemlərinə eyni mövqedən yanaşıb və bu münaqişələrin beynəlxalq hüquq normaları çərçivəsində həllinə tərəfdar olduqlarını bildiriblər.

Türkiyə ilə yanaşı, Pakistan da ötən 30 il ərzində Azərbaycan torpaqlarını işğal etdiyinə görə işğalçı Ermənistanla diplomatik münasibətlər qurmayan və müxtəlif tribunalardan işğalçı ordunun Azərbaycan ərazilərindən çıxarılmasını tələb edən ikinci dövlətdir. Öz növbəsində, Azərbaycan da Kəşmir problemində İslamabadın mövqeyini daim dəstəkləyib və ölkəmizin iştirak etdiyi layihələrdə Pakistanın da tam iştirakı üçün ona hərtərəfli dəstək verib.

Dövlət başçısı İlham Əliyevin Pakistan İslam Respublikasının Baş naziri Məhəmməd Şahbaz Şərif ilə təkbətək və geniş tərkibdə görüşlərində bir daha ikitərəfli əlaqələrin dünəninə işıq salındı, qarşıdakı dövrün hədəfləri açıqlandı. “Bizim irəliyə getməyimizlə bağlı tam aydın təsəvvürümüz var” söyləyən dövlət başçısı İlham Əliyev bildirdi ki, artıq Azərbaycandan bir neçə nümayəndə heyəti Pakistana səfər edəcək. Biri ticarət və sərmayə məsələsi, növbəti nümayəndə heyəti enerji məsələsi ilə məşğul olacaq, üçüncüsü isə müdafiə sənayesi sahəsində əməkdaşlığı nəzərdən keçirəcək.

Ticarətin həcminin artırılması prioritet məsələ kimi öndə dayandı. Bildirildi ki, bu istiqamətdə anlaşma memorandumu imzalanacaq və məhsulların siyahısı üzərində işləniləcək ki, həmin siyahı ticarət dövriyyəsinin artırılmasına xidmət edəcək.

Cənab İlham Əliyev mətbuata birgə bəyanatlarında bu reallığı da böyük inamla qeyd etdi ki, Pakistan və Azərbaycan hər zaman çiyin-çiyinə dayanan ölkələr olubdur. Daha mühüm amillərdən biri odur ki, xalqlarımız da öz rəhbərliyinin fikrini bölüşür və Bakının müxtəlif yerlərində Pakistan bayraqlarını görə bilərsiniz: “Bu, İkinci Qarabağ müharibəsi dövründə asılmış bayraqlardır. İki il yarım bundan öncə müharibə başa çatsa da, burada Pakistan bayraqları hələ də dalğalanır. Bu, xalqımızın münasibətidir və biz eyni münasibəti Pakistan xalqından da görürük.” Dövlət başçısı Azərbaycan-Pakistan münasibətlərini iki qardaş ölkə arasında olan münasibətlər kimi dəyərləndirdi.

Etibar Hacıyev

YAP Ağstafa rayon təşkilatının səd

Paylaş:

Baxılıb: 620 dəfə