YAP Nərimanov rayon təşkilatında 8 noyabr “Zəfər Günü”nə həsr olunmuş tədbir keçirilib

Bakı:

27 °C

65 %

7 m/s

Əlaqə

AZ RU EN

Ana səhifə / YAP xəbərləri / YAP Nərimanov rayon təşkilatında 8 noyabr “Zəfər Günü”nə həsr olunmuş tədbir keçirilib

YAP Nərimanov rayon təşkilatında 8 noyabr “Zəfər Günü”nə həsr olunmuş tədbir keçirilib

07.11.2023 [10:57]

Yeni Azərbaycan Partiyası Nərimanov rayon təşkilatında 8 noyabr “Zəfər Günü” münasibətilə Azərbaycan Silahlı Qüvvələrinin baş leytenantı, İkinci Qarabağ müharibəsinin şəhidi, Vətən Müharibəsi Qəhrəmanı Azad Hümbətovun əziz xatirəsinə həsr olunmuş Azərbaycan Respublikasının Qeyri-Hökümət Təşkilatlarına Dövlət Dəstəyi Agentliyinin və Azərbaycan Respublikası Şəhid Ailələrinə Qayğı Cəmiyyətinin birgə dəstəyi ilə ərsəyə gələn “Vətən yolunda addımlayanlar” sənədli filminin təqdimat mərasimi keçirilib.

Tədbirdə YAP Nərimanov rayon təşkilatının sədri Samir Vəliyev, Azərbaycan Şəhər Bələdiyyələri Milli Assossasiyasının və Nərimanov Bələdiyyəsinin sədri, Qərbi Azərbaycan İcmasının Nərimanov rayon nümayəndəsi Təmraz Tağıyev, Müdafiə Nazirliyinin Şəxsi Heyət Baş İdarəsinin Şəhid Ailələri, Qadınlar və Hərbi Qulluqçuların Ailələri ilə iş üzrə şöbəsinin müdiri Zümrüd Səmədova, Nərimanov rayon Ağsaqqallar Şurasının sədri – Vətən müharibəsi qəhrəmanı Azad Hümbətovun atası Arif Hümbətov, Milli Qəhrəmanları Tanıtma İctimai Birliyinin Nərimanov rayon nümayəndəliyinin sədri Ədhəm Məmmədov, “Milana” Hospitalın təsisçisi və rəhbəri Xuraman Muradova, Vətən müharibəsi qaziləri, Ərazi Partiya Təşkilatlarının sədrləri və fəal gənclər iştirak ediblər.

Tədbirdən öncə qonaqlar Ulu Öndər Heydər Əliyevin büstü önünə tər gül dəstələri qoyaraq dahi şəxsiyyətin əziz xatirəsini ehtiramla yad ediblər.

Tədbirdə ilk olaraq Azərbaycan Respublikasının Dövlət Himni səsləndirilib, daha sonra Ulu öndər Heydər Əliyevin və Vətənimizin bütövlüyü uğrunda canından keçmiş şəhidlərimizin əziz xatirəsi bir dəqiqəlik sükutla yad edilib.

Tədbiri giriş sözü ilə açan Yeni Azərbaycan Partiyası Nərimanov rayon təşkilatının sədri Samir Vəliyev 8 Noyabr Zəfər Gününü Azərbaycan xalqı olaraq böyük iftixar hissi ilə qarşıladığımızı bildirib. Müzəffər Ali Baş Komandan, Prezident İlham Əliyevin rəhbərliyi ilə Azərbaycan Ordusu 44 günlük Vətən müharibəsində parlaq qələbə qazandı. 44 günün hər bir günü şanlı tariximizdir deyən təşkilat sədri 2023-cü ilin sentyabrında cəmi 23 saat ərzində Qarabağda qalan Ermənistan silahlı qüvvələrinin birləşmələrinin təslim olmağa məcbur edilməsi, oktyabrın 15-də isə Xankəndidə Azərbaycan bayrağının ucaldılması öz tarixi əhəmiyyətinə görə 44 günlük müharibədə qazanılan Zəfərə bərabər, növbəti parlaq Qələbə olduğunu qeyd etdi. “Qarabağda suverenliyini bərpa edən Azərbaycan bununla mahiyyət etibarı ilə 10 Noyabr Zəfərini tamamlamış oldu. İndi tam əminliklə demək olar ki, bu gün bütün həyatını Azərbaycan xalqına həsr etmiş və ölkəmizin ərazi bütövlüyünün bərpası ən böyük arzusu olan ümummilli lider Heydər Əliyevin ruhu şaddır.” deyə S. Vəliyev vurğuladı.

Azərbaycan Silahlı Qüvvələrinin baş leytenantı, İkinci Qarabağ müharibəsinin şəhidi, Vətən Müharibəsi Qəhrəmanı Azad Hümbətovun əziz xatirəsinə həsr olunmuş Azərbaycan Respublikasının Qeyri-Hökümət Təşkilatlarına Dövlət Dəstəyi Agentliyinin və Azərbaycan Respublikası Şəhid Ailələrinə Qayğı Cəmiyyətinin birgə dəstəyi ilə ərsəyə gələn “Vətən yolunda addımlayanlar” sənədli filmi qonaqlara təqdim olunub.

Tədbirdə digər çıxış edənlər Azərbaycan Şəhər Bələdiyyələri Milli Assossasiyasının və Nərimanov Bələdiyyəsinin sədri, Qərbi Azərbaycan İcmasının Nərimanov rayon nümayəndəsi Təmraz Tağıyev, Müdafiə Nazirliyinin Şəxsi Heyət Baş İdarəsinin Şəhid Ailələri, Qadınlar və Hərbi Qulluqçuların Ailələri ilə iş üzrə şöbəsinin müdiri Zümrüd Səmədova, Nərimanov rayon Ağsaqqallar Şurasının sədri – Vətən müharibəsi qəhrəmanı Azad Hümbətovun atası Arif Hümbətov çıxış edərək 8 Noyabr tarixinin Zəfər Günü kimi təntənəli səkildə qeyd edilməsindən qürür duyduqlarını, eyni zamanda hərbçilərimizin cəsarətindən, qəhrəmanlığından və Ali Baş Komandan, Prezident İlham Əliyevin Zəfər səlnaməsindən geniş bəhs ediblər.

Sonra Yeni Azərbaycan Partiyasının ictimai-siyasi həyatında fəallığı ilə seçilən şəxslər təltif olunub və partiyanın sıralarına yeni qoşulan üzvlərə üzvlük vəsiqələri təqdim olunub.

Paylaş:

Baxılıb: 585 dəfə