YAP Zəngilan rayon təşkilatında YAP-ın yaradılmasının 31 ili qeyd olunub

Bakı:

15 °C

94 %

7 m/s

Əlaqə

AZ RU EN

Ana səhifə / YAP xəbərləri / YAP Zəngilan rayon təşkilatında YAP-ın yaradılmasının 31 ili qeyd olunub

YAP Zəngilan rayon təşkilatında YAP-ın yaradılmasının 31 ili qeyd olunub

21.11.2023 [16:34]

“Heydər Əliyev İli” çərçivəsində Yeni Azərbaycan Partiyası Zəngilan rayon təşkilatının təşkilatçılığı ilə Abşeron rayon Heydər Əliyev Mərkəzində Yeni Azərbaycan Partiyasının yaradılmasının 31-ci ildönümünə həsr olunmuş “Yeni Azərbaycan Partiyası dünənin , bu günün və gələcəyin partiyasıdır” adlı rəsm və əl işlərindən ibarət sərgi keçirildi.

Əvvəlcə Heydər Əliyev Mərkəzində Ulu Öndərin büstü ziyarət olunub, önünə gül dəstələri qoyularaq əziz xatirəsi ehtiramla yad edilib.

Tədbir Azərbaycan Dövlət Himninin səsləndirilməsi və Ulu Öndər Heydər Əliyevin və torpaqlarımızın azadlığı uğrunda canlarını qurban vermiş şəhidlərimizin əziz xatirələrinin bir dəqiqəlik sükutla yad edilməsi ilə başlamışdır.

Tədbirdə YAP Zəngilan rayon təşkilatının sədri Natiq Quluzadə, Şərqi Zəngəzur Regional Təhsil İdarəsinin Zəngilan rayonu üzrə sektor müdiri Kənan İmaməliyev, Abşeron rayon Heydər Əliyev Mərkəzinin direktoru Tükəzban Həsənova, Azərbaycan Rəssamlar İttifaqının üzvü, beynəlxalq və yerli sərgilərin, simpoziumların iştirakçısı Şafiq Osmanov, Şərqi Zəngəzur Regional Gənclər və İdman idarəsinin idman sektorunun müdiri Zakir Məmmədov, ərazi partiya təşkilat sədrləri və partiya fəalları iştirak ediblər.

Giriş nitqi ilə YAP Zəngilan rayon təşkilatının sədri Natiq Quluzadə çıxış edərək mühüm bir hadisənin - Yeni Azərbaycan Partiyasının yaranmasının 31 -ci ildönümünün qeyd olunduğunu bildirdi. Tədbir iştirakçılarını YAP-ın yaranmasının 31 illiyi münasibətilə təbrik edərək Yeni Azərbaycan Partiyasının 31 il ərzində ümumxalq partiyasına çevrildiyini, Azərbaycanın inkişafı naminə çalışdığını qonaqların diqqətinə çatdırdı. Natiq Quluzadə partiyanın yaranma tarixinə nəzər salaraq vurğuladı ki, 1990-cı ilin əvvəllərində Azərbaycanın taleyini düşünən insanlar ölkəni böhrandan çıxara biləcək yeni bir partiya yaratmaq təşəbbüsü ilə çıxış etdilər. Ölkənin gələcəyini düşünən ziyalıların müraciətini qəbul edən Heydər Əliyev Azərbaycanın taleyində çox mühüm rol oynayan Yeni Azərbaycan Partiyasının əsasını qoydu.

Tədbir zamanı çıxış edənlər Ulu Öndər Heydər Əliyevin siyasi hakimiyyətə qayıdışını Yeni Azərbaycan Partiyasının inkişafı tarixində də yeni bir mərhələnin əsasını qoyduğunu, Yeni Azərbaycan Partiyasının Azərbaycan dövlətçiliyinin təməl prinsiplərini özündə əks etdirən yeni azərbaycançılıq ideologiyasının cəmiyyətə təqdimatı və Ulu Öndər Heydər Əliyevin müəllifi olduğu bu ideologiyanın uğurla həyata keçirilməsində YAP-ın Azərbaycan xalqına, dövlətinə bəxş etdiyi ən qiymətli töhfələrdən olduğunu bildirmişlər.

Daha sonra rəsm və əl işlərindən 5 ən yaxşı rəsm seçilərək təltif edilib. Tədbir Yeni Azərbaycan Partiyasının himninin səsləndirilməsi ilə başa çatmışdır.

Sonda xatirə şəkli çəkilib.

Paylaş:

Baxılıb: 679 dəfə