YAP Gənclər Birliyinin ofisində Qazaxıstanın "Nur Otan" Partiyasının gənclər təşkilatının nümayəndələri ilə görüş keçirilib

Bakı:

23 °C

40 %

4 m/s

AZ RU EN

Ana səhifə / YAP xəbərləri / YAP Gənclər Birliyinin ofisində Qazaxıstanın "Nur Otan" Partiyasının gənclər təşkilatının nümayəndələri ilə görüş keçirilib

YAP Gənclər Birliyinin ofisində Qazaxıstanın "Nur Otan" Partiyasının gənclər təşkilatının nümayəndələri ilə görüş keçirilib

28.06.2012 [23:01]

Hər iki partiyanın gənclər təşkilatının rəhbərləri əməkdaşlığa dair saziş imzalayıblar
Dünən Yeni Azərbaycan Partiyası (YAP) Gənclər Birliyinin ofisində Qazaxıstanın hakim “Nur Otan” Partiyasının gənclər qolu olan “Jost Otan” təşkilatının sədri Nurlan Utişevin başçılıq etdiyi nümayəndə heyəti ilə görüş keçirilib.
Qonaqları salamlayan YAP Gənclər Birliyinin sədri Seymur Orucov Azərbaycanla Qazaxıstan arasında əlaqələrin dostluq və qardaşlıq prinsipinə əsaslandığını bildirib. S.Orucov qeyd edib ki, iki dövlət arasında sıx əməkdaşlıq mövcuddur və bu əməkdaşlıq bütün sahələri əhatə edir. Dövlətlərin beynəlxalq təşkilatlar çərçivəsində də fəal əməkdaşlıq etdiyini deyən YAP Gənclər Birliyinin sədri Dağlıq Qarabağ münaqişəsinin həlli ilə bağlı Qazaxıstanın ölkəmizin ədalətli mövqeyini dəstəklədiyini xüsusi vurğulayıb. “Hər iki ölkənin hakim partiyaları arasında da yüksək əməkdaşlıq mövcuddur. Yeni Azərbaycan Partiyası ilə “Nur Otan” Partiyası sıx əlaqələrə malikdir və bu əlaqələr yüksələn xətlə inkişaf edir. Hesab edirik ki, partiyaların gəncləri arasında da əlaqələr inkişaf etdirilməlidir və bunun üçün bütün imkanlar var. Hər iki partiyanın rəhbərliyi də gənclər arasında münasibətlərin inkişafına xüsusi əhəmiyyət verir. Siz Azərbaycana “Böyük İpək Yolu” Beynəlxalq Gənclər Konqresi və Festivalında iştirak etmək üçün gəlmisiniz. Biz bu çərçivədə görüşürük. Amma, biz sizi rəsmi olaraq ölkəmizə dəvət edirik və həmin səfəriniz zamanı əməkdaşlığa dair daha geniş müzakirələr apara biləcəyik”, - deyə YAP Gənclər Birliyinin sədri vurğulayıb.
S.Orucov YAP Gənclər Birliyinin fəaliyyəti, həyata keçirdiyi layihələr haqqında qonaqlara geniş məlumat verib. Onun sözlərinə görə, xüsusilə “Yay məktəbləri” layihəsi gənclərin inkişafı, ölkənin siyasi və dövlət xadimləri ilə görüşləri, bir-birilərilə əməkdaşlığı, asudə vaxtlarının səmərəli keçirilməsi baxımından əhəmiyyətlidir. O, gələcəkdə YAP Gənclər Birliyinin “Nur Otan” Partiyasının gəncləri ilə birgə layihələr həyata keçirməsinin mümkünlüyünü və bunun əhəmiyyətini vurğulayıb.
Azərbaycana səfər etməkdən məmnunluğunu bildirən “Nur Otan” Partiyasının gənclər təşkilatının rəhbəri Nurlan Utişev ölkəmiz haqqında xoş təəssüratlarını bildirib. Azərbaycanın sürətlə inkişaf etdiyini deyən qonaq xalqımızın yüksək qonaqpərvərliyə sahib olduğunu qeyd edib. “Qazaxıstanla Azərbaycanın gözəl əlaqələri mövcuddur. Təbii ki, hər iki dövlətin başçıları arasında olan münasibətlər ölkələrimiz və partiyalarımızın da əlaqələrinin genişlənməsində və inkişafında xüsusi rol oynayır”, - deyə N.Utişev bildirib. O, rəhbərlik etdiyi təşkilatın fəaliyyəti haqqında da ətraflı məlumat verib. Hər iki partiyanın gənclərinin əməkdaşlıq üçün böyük potensialının olduğunu deyən qonaq YAP Gənclər Birliyinin nümayəndələrini Qazaxıstana dəvət edib.
Görüşün sonunda Yeni Azərbaycan Partiyasının və “Nur Otan” Partiyasının gənclər təşkilatlarının rəhbərləri əməkdaşlığa dair saziş imzalayıblar.
Nardar BAYRAMLI

Paylaş:

Baxılıb: 1509 dəfə