Eşitmə və nitq qabiliyyəti məhdud şəxslərin vəziyyətlərini yaxşılaşdırmaq üçün hansı işlər görülür?

Bakı:

29 °C

54 %

6 m/s

AZ RU EN

Ana səhifə / Xəbər lenti / Eşitmə və nitq qabiliyyəti məhdud şəxslərin vəziyyətlərini yaxşılaşdırmaq üçün hansı işlər görülür?

Eşitmə və nitq qabiliyyəti məhdud şəxslərin vəziyyətlərini yaxşılaşdırmaq üçün hansı işlər görülür?

07.08.2024 [08:50]

Ölkəmizdə eşitmə və nitq qabiliyyəti məhdud şəxslərin sosial həyatda başa düşülməsini təmin məqsədilə fəaliyyət göstərən mərkəzlər var ki, onlardan biri də,
Ünsiyyət-Jest Dilinin İnkişafına Dəstək İctimai Birliyidir.
Qeyd olunan birliyin məqsədi onların ünsiyyət dili olan işarət dilini cəmiyyətdə aktuallaşdırması,
eşitmə və nitq qabiliyyəti məhdud uşaqların maariflənməsinin artırılmasına kömək etməkdir.
Bundan əlavə eşitmə və nitq qabiliyyəti məhdud uşaqların bacarıqlarını qabartmaq, bu şəxslər arasında milli-mənəvi dəyərlərin qorunub saxlanılmasına və təbliğinə kömək olunur.

Səssiz Ünsiyyət-Jest Dilinin İnkişafına Dəstək İctimai Birliyinin sədr müavini Könül Quliyeva "Yeni Azərbaycan" - a açıqlamasında bildirir ki, artıq 7 ildir ki, nitq və eşitmə qabiliyyəti məhdud şəxslərlə sosial layihələr həyata keçirir. Onun sözlərinə görə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin elan etdiyi Qrant müsabiqəsində 2 dəfə, 2023 və 2024-cü illərdə qalib olaraq nitq və eşitmə qabiliyyəti məhdud gənclərlə Astara və Şamaxı rayonunda inkluziv düşərgələr təşkil edilib: "
Eyni zamanda Azərbaycan Respublikası Gənclər və İdman Nazirliyinin dəvəti ilə nitq və eşitmə qabiliyyəti məhdud gənclərlə Mingəçevir şəhərində təşkil olunan düşərgədə iştirak etmişik.
Azərbaycan Respublikasının İnsan Hüquqları üzrə Müvəkkili Ombudsman Səbinə Əliyevanın “Uşaq Hüquqları Konvensiyasını” işarət dilinə tərcümə etmişik".
O, həmçinin bildirir ki,
nitq və eşitmə qabiliyyəti məhdud şəxslərin iştirakı ilə 2 sosial klip ərsəyə gətirlib: "2019-cu ildən etibarən hər ay olmaqla Libraff və Bakı Kitab Mərkəzində məşhur simalar, ictimai xadimlərin iştirakı ilə “Oxu saatı” təşkil edirik.
2019-cu il 1 İyun Uşaqların Beynəlxalq Müdafiəsi Günü və 3 Dekabr Beynəlxalq Əlilliyi olan Şəxslər Günündə eşitmə və nitq qabiliyyəti məhdud uşaqlar üçün məşhur simaların iştirakı ilə xeyriyyət tədbiri təşkil etmişik.
2020 və 2024-cü il 17 fevral Beynəlxalq Təmənnasız Xeyirxahlıq Günü münasibətilə Azərbaycanda ilk dəfə olaraq nitq və eşitmə məhdudiyyətli gənclərlə, C.Hacıyev adına musiqi məktəbinin şagirdləri ilə inkluziv xor təşkil etmişik.
2024-cü il Azərbaycan Gənclər Fondu, Yay Fest, Cop-29, İDEA Campaign, Tələbə İttifaqı, Cavan Gənclər Hərəkatının təşkilatçılığı və dəvəti ilə Şamaxıda təşkil olunan, gənclərdən ibarət ölkənin ən böyük yay festivalında işarət dili təlimi təşkil etmişik".
Mütəxəssis son olaraq qeyd edib ki,
İşarət dili təlimləri və işarət dili kursu öz axarında davam edir.

Havar Şəfiyeva