Yeni dəyişikliklər...

Bakı:

10 °C

87 %

8 m/s

Əlaqə

AZ RU EN

Ana səhifə / Xəbər lenti / Yeni dəyişikliklər...

Yeni dəyişikliklər...

02.09.2022 [10:24]

Hərbi vəzifəlilərin qeydiyyatının konkretləşdirilməsinə yol açacaq

SADİQ

Nazirlər Kabineti “Çağırışçıların və hərbi vəzifəlilərin hərbi qeydiyyatının aparılması Qaydası”nda dəyişiklik edib. Dəyişiklik xüsusi qeydiyyatla bağlıdır. Qərara əsasən, çağırışçılar və hərbi vəzifəlilər həqiqi hərbi xidmətə çağırıldıqda və ya könüllü daxil olduqda hərbi qeydiyyatdan çıxarılaraq xidmət etdiyi Azərbaycan Respublikası Prezidentinin Təhlükəsizlik Xidmətində, Azərbaycan Respublikasının Xüsusi Rabitə və İnformasiya Təhlükəsizliyi Dövlət Xidmətində, Azərbaycan Respublikasının Strateji Obyektlərin Mühafizəsi Dövlət Agentliyində xüsusi qeydiyyata alınacaqlar. Ləğv edilmiş Xüsusi Dövlət Mühafizə Xidməti isə siyahıdan çıxarılıb.

Beləliklə, son dəyişiklikdən sonra çağırışçılar və hərbi vəzifəlilər həqiqi hərbi xidmətə çağırıldıqda və ya könüllü daxil olduqda hərbi qeydiyyatdan çıxarılaraq xidmət etdiyi Azərbaycan Respublikası Prezidentinin Təhlükəsizlik Xidmətində, Azərbaycan Respublikasının Xüsusi Rabitə və İnformasiya Təhlükəsizliyi Dövlət Xidmətində, Azərbaycan Respublikasının Strateji Obyektlərin Mühafizəsi Dövlət Agentliyində, Azərbaycan Respublikasının Müdafiə Nazirliyində, Azərbaycan Respublikasının Daxili İşlər Nazirliyində, Azərbaycan Respublikasının Ədliyyə Nazirliyində, Azərbaycan Respublikasının Fövqəladə Hallar Nazirliyində, Azərbaycan Respublikasının Dövlət Təhlükəsizliyi Xidmətində, Azərbaycan Respublikasının Xarici Kəşfiyyat Xidmətində, Azərbaycan Respublikasının Dövlət Sərhəd Xidmətində və Azərbaycan Respublikasının Xüsusi Dövlət Mühafizə Xidmətində xüsusi qeydiyyata alınacaqlar.

Bəs bu dəyişikliklər hansı yeniliklərə yol açacaq? O cümlədən, təhlükəsizlik baxımından bu dəyişiklərlə hansı müsbət tendensiyanı özündə əks etdirir?

Hərbi ekspert Ramil Məmmədli bildirib ki, “Çağırışçıların və hərbi vəzifəlilərin hərbi qeydiyyatının aparılması Qaydası”nda edilən dəyişikliklər olduqca mühüm xarakter daşıyır. Belə ki, dəyişikliklər ilkin olaraq komplektləşmə baxımından böyük əhəmiyyətə malikdir. Bu, hərbi xidmətdə olan hərbi qulluqçuların, hərbi vəzifəlilərin qeydiyyatının konkretləşdirilməsi ilə bağlıdır: “Məsələ burasındadır ki, əvvəllər hərbi xidmətə çağırılan və ya könüllü xidmətə gedən şəxslər qeydiyyatda olduqları ərazi üzrə qeydiyyatdan çıxarılmırdılar. Onlar həmin ərazi üzrə qeydiyyatda saxlanılırdılar. Lakin bu qayda onların yerinin tam müəyyənləşdirilməsi baxımından problemlərə yol açırdı. Bununla yanaşı, həmin qayda müəyyən imtiyazların tətbiq olunması prosesində də işi çətinləşdirirdi. Artıq yeni qaydalar bu prosesi də asanlaşdıracaq”.

Dəyişikliyin daha çox idarəetmə ilə bağlı olduğunu dilə gətirən hərbi ekspertin fikrincə, atılan addım xidmətdə olanların qeydiyyatının araşdırılması zamanı prosesin asanlaşdırılmasına xidmət göstərir. “Hərbi strukturda şəxsi məlumatlara əlçatanlıq olduqca çətindir. Mülki qurumlarda bu daha asandır. Qaydaların bu formada dəyişdirilməsi həm də hərbi qulluqçuların məlumat bazasının təhlükəsizliyi baxımından olduqca zəruridir. Eyni zamanda, qeydiyyatın idarəolunması baxımından da əlverişli əhəmiyyətə malikdir. Burada digər müsbət tərəflərdən biri isə qeydiyyat ünvanları ilə bağlı istiqamətlərin konkret olaraq göstərilməsidir. Belə ki, şəxsin qeydiyyatdan çıxarılmasından sonra hara qeydiyyata salınmalı olduğu da yeni dəyişiklikdə öz əksini tapıb”, - deyə R.Məmmədli əlavə edib.

Paylaş:

Baxılıb: 560 dəfə