Boşanmamaq üçün...

Bakı:

21 °C

73 %

3 m/s

Əlaqə

AZ RU EN

Ana səhifə / Xəbər lenti / Boşanmamaq üçün...

Boşanmamaq üçün...

05.04.2023 [11:17]

Nələrə diqqət yetirilməlidir?

Qönçə QULİYEVA

Cəmiyyətimizi ayaqda tutan təməl elementlərindən biri ailə dəyərlərinin qorunub saxlanması və inkişaf etdirilməsidir. Eyni zamanda, fərdin və şəxsiyyətin formalaşmasına, irsiyyətin yaranmasına təsir edən ən başlıca amil də ailə həyatının qurulmasıdır. Amma bir vaxtlar ailə institutunun varlığı ilə öyündüyümüz hallar təəssüf ki, bir çox hallarda məyusedici xəbərlərlə gündəmi zəbt edir. Təbii ki, ailə dəyərlərinin parçalanması cəmiyyətimizin sosial həyatına, şəxsə və ailənin bütün fərdlərinə təsir edir, uzun illər ərzində formalaşmış Azərbaycan ailə institutunun dağılmasına səbəb olur. Ailə institutunun dağılması özü ilə sosial sərhədləri də sarsıdır. Beləliklə, həm də möhkəm təməlli ailələrin məhv olmasına da şahidlik etmiş oluruq.

Sevindirici haldır ki, son illər ölkəmizdə boşanmaların ümumi sayında azalma müşahidə olunur. Lakin bu, heç də nikahların pozulmaması anlamına gəlmir. Statistikaya nəzər yetirdikdə məlum olur ki, bu gün Azərbaycanda boşanmaların müxtəlif səbəbləri var.

Bəs əsas səbəblər hansılardır? Nikahlar niyə pozulur? Problemin həlli nədədir?

Ailə təməlini sarsıdan amillər

Günümüzdə ailə daxilində olan kiçik problemlər bu və ya digər səbəblərdən böyüyür və nəticədə həll olunmaz hala gəlir. Bu problemlər həllini tapmadıqda isə boşanmalar qaçılmaz olur. Lakin nikahların bu cür sonlanması yalnız cütlüklərə təsir etmir. Bu, həm də ailədəki uşaqlara, eyni zamanda, yaxın ətrafa psixioloji cəhətdən mənfi təsirlər göstərir.

Qeyd edilməlidir ki, uşaq doğularkən həmin birlik əsl ailəyə çevrilir və valideynlərin üzərinə bir çox vəzifələr qoyulur. Bir müddət sonra valideynlik və yoldaşlıq vəzifələri qarşı-qarşıya qoyulur. Bu vəzifələr qadın və kişi arasında iqtisadi, məişət, psixoloji, sosial faktorların təsiri ilə zaman-zaman münaqişələrin dərinləşməsinə gətirib çıxarır.

Ailə qurarkən tərəflər öz ailələrinə xas davranışlarını, vərdişlərini, adət-ənənələrini gətirir. Yəni kişi də, qadın da bildiyini, gördüyü, öyrəşdiyi ailə irsini yeni qurduğu ailə həyatında tətbiq etməyə başlayır. Fərqli ailələrin fərqli fərdləri də yaşam dövründə baş verən hadisələrə fərqli yanaşmalar göstərirlər - biri digərinin yanaşmasını qəbul etmədikdə isə...

Sayı az olsa da...

Ailə, Qadın və Uşaq Problemləri üzrə Dövlət Komitəsinin İnformasiya və analitik araşdırmalar şöbəsinin müdiri Elgün Səfərov “Yeni Azərbaycana” açıqlamasında ölkəmizdə boşanmaların statistikası barədə məlumat verib: “2021-ci ildə boşanmaların sayı 17267 idisə, 2022-ci ildə isə 15983 fakt qeydə alınıb. Göründüyü kimi, statistikada nisbətən azalma müşahidə olub, nikahların sayı isə artıb. Belə ki, 2021-ci ildə 56319 nikah qeydə alınmışdısa, 2022-ci ildə 61939 faktı qeydə alınmışdı. 2021-ci il ilə 2022-ci il müqayisə etsək, görərik ki, nikahların sayı artıb, boşanmaların sayı azalıb”.

Şöbə müdiri deyir ki, boşanmaya əsas səbəb kimi məişət faktorları göstərilir: “Boşanmaların səbəbi barədə danışarkən tərəflər əsasən xasiyyətlərin bir-biri ilə uyğunlaşmaması, sonsuzluq problemi, xəyanət, ailədaxili zorakılıq, qısqanclıq, sərxoşluq, narkotik aludəçiliyi və digər bir sıra məqamları qeyd edirlər. 10 mindən çox vətəndaş boşanma səbəbi kimi xasiyyətlərin uyğunsuzluğu, məişət zəminində olan problemləri göstərir. Məişət zorakılığı olan ailələrdə fiziki zorakılıqla yanaşı, psixoloji zorakılıq da törədilir. Araşdırma zamanı belə ailələrdə başqa problemlər də ortaya çıxmış olur”.

Paylaş:

Baxılıb: 488 dəfə