Vaxt dəqiqləşdi!

Bakı:

30 °C

48 %

9 m/s

Əlaqə

AZ RU EN

Ana səhifə / Gündəm / Vaxt dəqiqləşdi!

Vaxt dəqiqləşdi!

29.06.2024 [09:40]

1 sentyabr...

Prezident sərəncam imzaladı

Sentyabrın 1-də ölkəmizdə növbədənkənar parlament seçkiləri keçiriləcək. Prezident İlham Əliyevin imzaladığı sərəncama əsasən altıncı çağırış Azərbaycan Respublikasının Milli Məclisinin buraxılmasına və Azərbaycan Respublikasının Milli Məclisinə növbədənkənar seçkilərin 2024-cü il sentyabrın 1-nə təyin edilməsinə qərar verilib.

Xatırladaq ki, bu il iyunun 20-də Yeni Azərbaycan Partiyasının İdarə Heyətinin iclasında Milli Məclisin buraxılması və seçkilərin daha erkən keçirilməsi təşəbbüsü irəli sürülmüşdü. Milli Məclisin 21 iyun tarixli qərarına əsasən növbədənkənar seçkilərin təyin edilməsi ilə bağlı Azərbaycan Prezidentinə müraciət edilib. Azərbaycan Respublikasının Konstitusiya Məhkəməsinin Plenumu 27 iyunda Milli Məclisin bu qərarının ölkə Konstitusiyasına uyğunluğunu yoxlayıb və qərar verib.

Vurğulayaq ki, qanunvericiliyə əsasən bu ilin noyabrında keçirilməli olan Milli Məclisə seçkilərin iki ay qabağa çəkilməsi Azərbaycanın dövlət maraqları ilə tam şəkildə uyğunluq təşkil edir. Belə ki, 2023-cü ilin dekabırnda COP29 kimi mötəbər bir tədbirin ölkəmizdə keçirilməsinin yekdilliklə qəbul olunması Azərbaycanın tarixində mühüm bir hadisə kimi yadda qalıb - bu ilin noyabrında Bakıda baş tutacaq Birləşmiş Millətlər Təşkilatının İqlim Dəyişmələri üzrə çərçivə Konvensiyasının Tərəflər Konfransının 29-cu sessiyası beynəlxalq səviyyəli tədbirdir və bu kimi məsuliyyətli bir vəzifə hər dövlətə etibar edilmir. Qeyd edildiyi kimi, parlament seçkilərinin də noyabr ayına təsadüf etməsi bu iki mühüm əhəmiyyətli hadisənin üst-üstə düşməsini şərtləndirmişdi. Ölkə başçısının müvafiq sərəncamı ilə vaxtı dəqiqləşən parlament seçkiləri də xalqımızın və dövlətimizin həyatında mühüm məqamlardandır - belə ki, bu seçki ərazi bütövlüyümüzün və suverenliyimizin bərpasından sonra bütöv Azərbaycan ərazisində baş tutacaq ilk parlament seçkiləridir. Vaxtilə işğal altında olan ərazilərimizdə yaşayan vətəndaşlarımız artıq öz doğma yurd-yuvalarında səs vermək imkanı qazanacaq, özünün hüququndan istifadə edəcək. Bu əhəmiyyətli siyasi proses Azərbaycanın gələcək 5 il üçün qanunverici orqanını formalaşdıracaq. Təbii ki, ölkədə yeni parlamentin formalaşması həm də beynəlxalq səviyyəli tədbirlərin daha aktiv keçirilməsi nöqteyi-nəzərdən vacib amildir. COP29-a qədər seçkilərin keçiriləcəyini nəzərə alsaq, yeni parlament COP29 dövründə tam fəaliyyətdə olacaq.

Verilən bu qərar Azərbaycanın ictimai-siyasi həyatında olduqca mühüm bir dövrün başlanğıcını qoyur. Hər bir vətəndaşımız ölkədə baş tutan seçki prosesinə olduqca həssaslıqla və diqqətlə yanaşır. 7 fevral prezident sçekilərində ölkəmizin inkişafına, rihafına və uğurlu gələcəyinə səs verən Azərbaycan ictimaiyyətinin bu proseslərdə də aktiv iştirak edəcəyi şübhəsizdir.

PƏRVİZ

Paylaş:

Baxılıb: 707 dəfə