TEKNOFEST 2025-də Azərbaycan rüzgarı

Bakı:

30 °C

39 %

4 m/s

Əlaqə

AZ RU EN

Ana səhifə / Maraqlı / TEKNOFEST 2025-də Azərbaycan rüzgarı

TEKNOFEST 2025-də Azərbaycan rüzgarı

24.09.2025 [18:16]

Azərbaycan iştirakçı və qalib komanda sayında birinci oldu

17–21 sentyabrda İstanbulda “TEKNOFEST-2025 İstanbul” Aerokosmik və Texnologiya Festivalı keçirilib.

Dünyanın ən böyük Aviasiya, Kosmos və Texnologiya Festivalı olan TEKNOFEST, texnologiya və elmin ən həyəcanlı yeniliklərini bir daha nümayiş etdirib. Qeyd edək ki, bu il 13-cü dəfə təşkil olunan festivala 1 milyon 32 min ziyarətçi qatılıb.

Milli Texnologiya Hərəkatı ilə keçirilən festival çərçivəsində 5 gün müddətində texnologiya müsabiqələri, hava şouları, konsertlər, sərgilər, emalatxana dərsləri və digər innovativ tədbirlər ziyarətçilərə unudulmaz anlar yaşadıb.

Dünyanın 96 ölkəsindən 565 min 776 komandanın müraciət etdiyi festivalda Azərbaycan, iştirak edənlərin və finalçıların sayı ilə birinci yerdə olub.

T3 Fondu və TEKNOFEST Azərbaycan nümayəndəsi Ahmet Köse bildirib ki, bu il TEKNOFEST-ə Azərbaycanın marağı rekord səviyyəyə çatıb. Onun verdiyi məlumata görə Azərbaycan tərəfindən 3250 komanda TEKNOFEST 2025-ə müraciət edib. Müraciət edən komandalar arasından isə 43 komanda finala yüksəlib. Finala çıxan 6 komanda mükafat qazanaraq böyük uğura imza atıb.

Ahmet Köse bildirib ki, ümumilikdə 500000 çox komandanın müraciət etdiyi və 2000-dən artıq finalçının yarışdığı bu möhtəşəm festivalda Azərbaycanın iştirak edənlərin sayı və qalibiyyət nəticəsi olaraq bütün ölkələr arasında birinci yerə yüksəlməsi qürurvericidir.

“Azərbaycanlı gənclərin bu uğurları bizə qürur verir. Ölkəmizdə elm və texnologiyaya olan maraq ildən-ilə artır. TEKNOFEST iki qardaş ölkənin gənclərini ortaq bir məqsəddə birləşdirir”.

O həmçinin qeyd edib ki, Milli Texnologiya Hərəkatının yalnız Türkiyədə deyil, qardaş coğrafiya ölkələrində də inkişafı sevindirici və təqdirə layiqdir.

Ahmet Köse bildirib ki, TEKNOFEST 2025 İstanbulda bu il ilk dəfə təqdim edilən təcrübə sahələri, sərgilər və yeni yarışmalarla diqqət mərkəzinə çevrilib: “Ziyarətçilər Salvo, Marlin və Albatros İDA-ları, Abdulhamit Sualtı Gəmisini yaxından görmək imkanı əldə etdi. KÜME Fondu, Fetih 1453 Rəqəmsal Təcrübə, Polad Günbəz Hava Hücumundan Müdafiə Sistemi və TEİ BREMZE təcrübəsi festivalın əsas yenilikləri oldu. Kənd təsərrüfatında genetik araşdırmalar, laboratoriyalarda embrion yaratma və köçürmə prosesi də maraqla qarşılandı. Onu da deyim ki, bu il festivala Onkologiyada 3T, Süni İntellekt Film Yarışması, TEKNOFEST Peşə Bacarıqları Yarışması, N’Sosial Super App Creathon Yarışması, TEKNOFEST, 5G Mövqeləndirmə Yarışması, Təhlükəsiz Peyk Rabitəsi Yarışması, Fəaliyyət-əsaslı Türk Dilində Böyük Dil Modeli Yarışması, Pilotsuz Quru Nəqliyyat Vasitəsi Yarışması, TEKNOFEST Memarlıq və Vizual Dizayn Yarışması, Beynəlxalq Uşaq Elm Yarışması, Su Altı Raket və daha bir çox yeni yarışma əlavə olundu. TEKNOFEST 2025 proqramına əlavə edilən bu yeni yarışmalar gənclərin müxtəlif sahələrdə yaradıcılığını və istehsal gücünü nümayiş etdirməsinə çox böyük imkan yaratdı”.

Paylaş:

Baxılıb: 1011 dəfə