Azərbaycanın vətəndaş cəmiyyəti Avropa Parlamentinə etiraz edir

Bakı:

21 °C

78 %

5 m/s

Əlaqə

AZ RU EN

Ana səhifə / Siyasət / Azərbaycanın vətəndaş cəmiyyəti Avropa Parlamentinə etiraz edir

Azərbaycanın vətəndaş cəmiyyəti Avropa Parlamentinə etiraz edir

01.02.2019 [09:41]

QHT-lərin bəyanatlarında Avropa Parlamenti tərəfindən Azərbaycanda insan haqları və demokratiya ilə bağlı vəziyyətə düzgün qiymət verilmədiyi, hadisələrə ikili standartlar və anti-Azərbaycan dairələrin mövqeyindən yanaşıldığı bildirilib
Məlum olduğu kimi, bir sıra beynəlxalq təşkilatlar zaman-zaman ölkəmizə qarşı münasibətdə ikili standartlardan çıxış edir, qərəz nümayiş etdirir. Bunun bariz nümunəsi isə yanvarın 17-də Avropa Parlamentinin Azərbaycanla bağlı qəbul etdiyi qərəzli qətnamədir. Vurğulamaq yerinə düşər ki, işğalçı Ermənistanda baş verən zorakılıqların, qanun pozuntularının, antidemokratik vəziyyətin qarşısında səsini çıxarmayan Avropa Parlamenti bu addımı ilə özünün ikili standartlar siyasəti həyata keçirdiyini bir daha ortaya qoymuş olur.
Qeyd etmək lazımdır ki, qurumun ölkəmizə qarşı qərəzli və ikili standartlardan çıxış etməsi Azərbaycan cəmiyyəti tərəfindən haqlı etirazlarla qarşılanır. Belə ki, cəmiyyətin bütün kəsimləri təşkilatın ədalətsiz mövqeyini pisləyir, Azərbaycana qarşı ikili standartlardan çıxış edilməsinin yolverilməz olduğunu bildirirlər. Yeri gəlmişkən, Avropa Parlamentinin yanvarın 17-də Azərbaycanla bağlı qəbul etdiyi qərəzli qətnamə ölkədə vətəndaş cəmiyyətinin də kəskin etirazına səbəb olub. Bununla əlaqədar olaraq, yüzlərlə QHT bəyanat verib, mətbuatda çıxış edib, Avropa Parlamentinə və ayrı-ayrı deputatlara məktublar ünvanlayıb. 700-dən çox təşkilatın birləşdiyi Milli QHT Forumunun və həmin koalisiyada olmayan onlarla QHT-nin bəyanatlarında Avropa Parlamenti tərəfindən Azərbaycanda insan haqları və demokratiya ilə bağlı vəziyyətə düzgün qiymət verilmədiyi, hadisələrə ikili standartlar və anti-Azərbaycan dairələrin mövqeyindən yanaşıldığı bildirilib. Ermənistanın keçmiş və indiki hakimiyyəti dövründə həmin ölkədə insan hüquqlarının kobud şəkildə pozulmasına, hələ də həbsxanalarda siyasi məhbusların saxlanılmasına, onlardan bəzilərinin aclıq aksiyası keçirərək vəfat etməsinə, dinc nümayişlərin gülləbaran edilməsinə, siyasi qətllər törədilməsinə və s. hallara qarşı Avropa Parlamentinin indiyədək heç bir münasibət bildirməməsi xüsusi qeyd olunub, bunların haqlı olaraq həmin qurumun obyektivliyinə inamsızlıq doğurduğu diqqətə çatdırılıb.
QHT-lərin bir çoxu öz etiraz müraciətlərini Avropa Parlamenti ilə yanaşı, digər beynəlxalq təşkilatlara, o cümlədən ATƏT və Avropa Şurasının əsas strukturlarına, BMT-nin insan hüquqları üzrə komissarına və Helsinki Komissiyasına da göndəriblər.
PƏRVİZ

Paylaş:

Baxılıb: 560 dəfə