Əli Əhmədov: Azərbaycan vətəndaşını daha yüksək rifah gözləyir

Bakı:

31 °C

42 %

4 m/s

Əlaqə

AZ RU EN

Ana səhifə / Siyasət / Əli Əhmədov: Azərbaycan vətəndaşını daha yüksək rifah gözləyir

Əli Əhmədov: Azərbaycan vətəndaşını daha yüksək rifah gözləyir

20.06.2019 [09:59]

“Prezident İlham Əliyevin sərəncamları ilə bir çox sahələrdə çalışan insanların əməkhaqqı 40 faiz artırılır. Ən önəmlisi, minimum əməkhaqqının 250, minimum pensiyaların isə 200 manat məbləğində müəyyən edilməsidir. Bir neçə ay bundan əvvəl isə minimum əməkhaqqı və pensiyalar təxminən 40 faiz artırılmışdı. Beləliklə, toplam artım təxminən 100 faizə bərabər olmuşdur. Minimum əməkhaqqının artırılması nəticəsində yüz minlərlə insanın maaşları 270-350 manat civarında artmış olacaq”. Bu fikirlər Baş nazirin müavini, Yeni Azərbaycan Partiyasının Sədr müavini - İcra katibi Əli Əhmədovun rəsmi facebook səhifəsində yayımladığı “Azərbaycan vətəndaşını daha yüksək rifah gözləyir” sərlövhəli məqaləsində yer almışdır.
Əli Əhmədov özünün rəsmi facebook səhifəsində etdiyi paylaşımda daha sonra qeyd edib: “Məlumdur ki, Prezident İlham Əliyevin sərəncamları ilə 2003-cü ildən bu yana əməkhaqqı və pensiyalar dəfələrlə qaldırılıb. Bu, faktdır. Lakin 2019-cu il əhalinin sosial müdafiəsi sahəsində daha cəsarətli və əhəmiyyətli addımlar atılması ilə səciyyəvidir. İnsanların rifahının yaxşılaşdırılmasını Özünün siyasətinin əsas məqsədi hesab edən Prezident İlham Əliyev bunu real həyatda əyani şəkildə təcəssüm etdirir. Xalqın həyat səviyyəsi, sözün həqiqi mənasında, gündən-günə yaxşılaşır. Bu isə insanların xəyallarını gerçəkləşdirməsi üçün daha geniş imkanlar yaradır.
Azərbaycanı daha firavan gələcək, vətəndaşı daha yüksək rifah gözləyir. Məqsədimiz bu gələcəyə doğru inamla və qətiyyətlə irəliləməkdir. İndi sözüm vaxtilə iqtidarda olub Azərbaycanın bu gününə böhtan atanlaradır. Onlar hakimiyyətdə olduqları dövrdə əməkhaqqının artırılması ilə əlaqədar bir fakt belə xatırlayırlarmı? Ümumiyyətlə, AXC-“Müsavat” hakimiyyətinin siyasi leksikonunda əməkhaqqının artırılması, insanların həyatının yaxşılaşdırılması anlayışları vardımı? Əlbəttə ki, yox idi. Çünki iflasa uğramış, ölkəni ağır iqtisadi tənəzzül vəziyyətinə salmış keçmiş hakimiyyətin bu barədə düşünməyə nə həvəsi var idi, nə də imkanı. Xəzinədə pul yox idi. Dövlət büdcəsiz işləyirdi. AXC-“Müsavat” hakimiyyəti dünyaya əcaib nümunə göstərmişdi: büdcəsiz dövlət.
Törətdikləri biabırçılıqların heç yüzdən birini də təşkil etməyən sadaladığım faktların “müəlliflərinin” bugünkü firavan, müasir, inkişaf edən Azərbaycana böhtan atması insan əxlaqının eybəcərləşməsindən başqa bir şey deyildir.
Nə qədər böhtan atsalar da, nankorluq etsələr də, möhtəşəm Azərbaycan özünün işıqlı gələcəyinə doğru inamla irəliləyir, insanlar isə bunun faydasını görür və bundan sonra da görəcəklər”.

Paylaş:

Baxılıb: 739 dəfə