“Azərsu” ASC-də kadrların peşəkarlığının artırılmasına xüsusi diqqət yetirilir

Bakı:

28 °C

56 %

6 m/s

Əlaqə

AZ RU EN

Ana səhifə / Sosial / “Azərsu” ASC-də kadrların peşəkarlığının artırılmasına xüsusi diqqət yetirilir

“Azərsu” ASC-də kadrların peşəkarlığının artırılmasına xüsusi diqqət yetirilir

19.11.2014 [10:05]

Noyabrın 17-də Füzuli rayonunda “Azərsu” Açıq Səhmdar Cəmiyyətinin (ASC) “Regional Təlim İnkişaf Proqramı-1” çərçivəsində növbəti “Kompleks Təlim Proqramı”nın açılışı olub. Horadiz şəhərində təşkil olunmuş tədbirin iştirakçıları öncə Azərbaycan xalqının Ümummilli lideri Heydər Əliyevin abidəsi önünə gül dəstələri düzüb, Ulu öndərin xatirəsini ehtiramla anıblar.
Sonra şəhərdəki Heydər Əliyev Mərkəzində keçirilmiş tədbirdə ilk olaraq “Azərsu” ASC-nin fəaliyyəti ilə bağlı videoçarxlar nümayiş etdirilib. Mərasimdə çıxış edən Füzuli rayon İcra Hakimiyyətinin başçısı Alı Alıyev məcburi köçkünlərin həyat şəraitinin yaxşılaşması ilə əlaqədar dövlət başçısının həyata keçirdiyi məqsədyönlü siyasətdən və rayonda aparılan abadlıq-quruculuq işlərindən danışıb: “Prezident İlham Əliyevin tapşırıqlarına uyğun olaraq əhalinin sosial problemlərinin həlli istiqamətində Füzuli rayonunda mühüm işlər görülüb. Cəbhəyanı bölgə sakinlərinin içməli su təchizatının yaxşılaşdırılması məqsədi ilə həyata keçirilən tədbirlər nəticəsində sakinlər keyfiyyətli içməli su ilə təmin olunub”.
Çıxış edən “Azərsu” ASC sədrinin müavini Mahir Məmmədov istehlakçıların 24 saat fasiləsiz və keyfiyyətli içməli su ilə təmin edilməsi istiqamətində regionlarda həyata keçirilən layihələr barədə məlumat verib. Natiq qeyd edib ki, layihələrin icrası ilə yanaşı, kadrların peşəkarlığının artırılmasına da xüsusi diqqət yetirilir.
“Azərsu” ASC-nin “Birləşmiş Sukanal” MMC-nin direktoru Etibar Məmmədov isə qeyd edib ki, regionların sosial-iqtisadi inkişafı Dövlət proqramlarına uyğun olaraq bölgələrdə, xüsusilə cəbhəyanı kəndlərdə içməli su təchizatının yaxşılaşdırılması istiqamətində təxirəsalınmaz tədbirlər davam etdirilir: “Cəbhə xəttində yerləşən və içməli su çatışmazlığından əziyyət çəkən kəndlərin problemlərinin həlli istiqamətində işlər surətlə davam etdirilir. Yerli icra strukturlarının dəstəyi ilə Füzuli rayonunun cəbhə bölgəsində yerləşən kəndlərinin içməli su problemi köklü şəkildə həll edilib”.
Tədbirə dəvət olunmuş Fransanın “Suez Environment” şirkətinin layihə direktoru Alen Karbonel keçirilən təlimləri yüksək qiymətləndirib və “Azərsu” ASC ilə əməkdaşlığın faydalı olacağını bildirib.
“Azərsu” ASC-nin İşlər İdarəsinin rəis müavini Rahid Fətəlizadə Füzuli rayonunda keçirilən 6-cı regional təlimdə Ağcabədi, Ağdam, Bərdə, Beyləqan, Füzuli, İmişli, Laçın, Tərtər, Xocavənd və Zərdab sukanal idarələrinin 224 nəfər əməkdaşının iştirak etdiyini bildirib: “Seminar və praktiki məşğələlər formasında keçirilən təlimləri müvəffəqiyyətlə başa vurmuş işçilər “Azərsu” ASC-nin “Daxili təlimçilərin təlimi” layihəsi üzrə namizədlərin seçilməsi və hazırlanması layihəsinə daxil ediləcəklər. Təlim müddətində iştirakçıların asudə vaxtlarının səmərəli təşkili üçün müxtəlif sosial proqramlar həyata keçiriləcək”.
Açılış mərasimindən sonra “Azərsu” ASC-nin rəhbərliyi Füzuli rayonu ərazisində yerləşən N saylı hərbi hissədə olub, şəxsi heyətlə görüşərək onlara müxtəlif hədiyyələr təqdim edib.
NADİR

Paylaş:

Baxılıb: 1059 dəfə