Daşkəsən rayonunda Dövlət qulluqçularının peşə bayramı və Silahlı Qüvvələr Günü qeyd olunub

Bakı:

11 °C

87 %

4 m/s

Əlaqə

AZ RU EN

Ana səhifə / Sosial / Daşkəsən rayonunda Dövlət qulluqçularının peşə bayramı və Silahlı Qüvvələr Günü qeyd olunub

Daşkəsən rayonunda Dövlət qulluqçularının peşə bayramı və Silahlı Qüvvələr Günü qeyd olunub

24.06.2015 [09:37]

Dünən Daşkəsən rayon İcra Hakimiyyətinin və rayonda olan dövlət qulluqçularının iştirakı ilə 23 iyun - Dövlət qulluqçularının peşə bayramı günü ilə bağlı ümumrayon tədbiri keçirilib. Əvvəlcə dövlət qulluqçuları Ulu öndər Heydər Əliyevin rayonun mərkəzində ucaldılmış abidəsi önünə gül-çiçək dəstələri düzüb, sonra yeni istifadəyə verilmiş İcra Hakimiyyətinin inzibati binasında tədbiri davam etdiriblər.
Ümumrayon tədbirində çıxış edən Daşkəsən rayon icra hakimiyyətinin başçısı Əhəd Abıyev deyib ki, Azərbaycan Respublikasının Prezidenti İlham Əliyevin 2006-cı il 25 may tarixli Sərəncamı ilə hər il 23 iyun ölkəmizdə Dövlət qulluqçularının peşə bayramı kimi qeyd olunur: “Dövlət qulluqçularına dövlətimiz tərəfindən həmişə diqqət və qayğı ilə yanaşılır, onlara yüksək səviyyədə fəaliyyət göstərmələri üçün aidiyyəti üzrə müvafiq qanunvericilik aktları qəbul edilərək, hər cür lazımi şərait yaradılır”.
Daşkəsən rayon icra hakimiyyətinin başçısı Əhəd Abıyev qeyd edib ki, hazırda rayon ərazisində fəaliyyət göstərən idarə, müəssisə və təşkilatlarda 175 nəfər dövlət qulluqçusu çalışır. Dövlət qulluqçuları əsasən öz vəzifələrini layiqincə yerinə yetirir və rayonun bütün ictimai-siyasi həyatında və mədəni-kütləvi tədbirlərində fəal iştirak edirlər.
Daha sonra Daşkəsən rayon icra hakimiyyəti başçısının müavini Cavanşir Qocayev, Yeni Azərbaycan Partiyası (YAP) Daşkəsən rayon təşkilatının sədri Meydanəli Yolçuyev dövlət qulluqçularını peşə bayramı münasibətilə təbrik edib, dövlət qulluqçularına yaradılan şəraitə görə Prezident İlham Əliyevə minnətdarlıqlarını bildiriblər.
Qeyd edək ki, dövlət qulluqçularının peşə bayramı günü ilə bağlı ümumrayon tədbirinin iştirakçıları daha sonra “N” saylı hərbi hissəyə gediblər. Burada isə 26 İyun - Azərbaycan Respublikası Silahlı Qüvvələri Günü münasibətilə bayram tədbiri keçirilib. Əhəd Abıyev əsgərlər qarşısında çıxış edərək deyib ki, Ümummilli liderimiz Heydər Əliyevin gərgin əməyi və misilsiz xidmətləri nəticəsində müstəqil respublikamızın suverenliyi və ərazi bütövlüyünü düşmən təcavüzündən qorumaq iqtidarında olan, qarşısına qoyulan hər bir tapşırığı yüksək səviyyədə yerinə yetirən qüdrətli ordumuzun yaradılması və inkişaf etdirilməsi ilə suveren Azərbaycan dövlətinin dünyanın siyasi səhnəsində öz yerini almasına zəmin yaranıb. Ulu öndərin ideyalarını layiqincə yerinə yetirən, ordu quruculuğu sahəsində Öz səylərini daha da artıran Prezident, Ali Baş Komandan İlham Əliyev Azərbaycan Silahlı Qüvvələrinin müasir hərbi texnika ilə təchiz edilməsinə, möhkəm nizam-intizamı, döyüş ruhu ilə seçilən, düşmənə sarsıdıcı zərbə vurmağa qadir olan bir ordu formalaşdırılmasına nail olub.
Daha sonra Azərbaycan Respublikasının Hərbi Prokurorluğu tərəfindən göndərilən qiymətli hədiyyələri Daşkəsən rayon icra hakimiyyətinin başçısı Əhəd Abıyev əsgərlərə təqdim edib.
Bayramda, həmçinin, hazırda hərbi xidmət keçən əsgər valideynləri çıxış edib, hərbçilərə təbriklərini çatdırıb, yaradılan yaxşı şəraitə görə ölkə rəhbərinə minnətdarlıqlarını bildiriblər.
Tədbir Daşkəsən rayon incəsənət ustalarının torpaq, vətən və Qarabağ haqqında musiqi nömrələri ilə davam etdirilib.

Paylaş:

Baxılıb: 889 dəfə