Şuşanın yeni tarixi Zəfər Günündən başladı

Bakı:

29 °C

55 %

8 m/s

Əlaqə

AZ RU EN

Ana səhifə / YAP xəbərləri / Şuşanın yeni tarixi Zəfər Günündən başladı

Şuşanın yeni tarixi Zəfər Günündən başladı

07.11.2025 [12:59]

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

Azərbaycanın Qalib Lideri, Müzəffər Ali Baş Komandan İlham Əliyev Vətən müharibəsinin ilk günlərindən deyirdi:”Şuşanın Azərbaycan xalqının qəlbində xüsusi yeri var. Bu, bizim tarixi şəhərimizdir, qədim mədəniyyət ocağıdır. Şuşa Azərbaycan xalqına bir çox istedadlı, dahi şəxslər bəxş edibdir. Əlbəttə ki, Şuşasız bizim işimiz yarımçıq olar".

Bəli, otuz ilə yaxın xalqımız işğal altında saxladığı torpaqlarının həsrətini çəkdi, Zəfər Gününü gözlədi. Hər zaman dövlətimizin və xalqımızın iradəsini, məqsədini qətiyyətlə ifadə edən ölkə Prezidenti cənab İlham Əliyev ən yüksək kürsülərdən dönə-dönə bəyan etdi ki, biz heç zaman torpaqlarımızın işğalı ilə barışmayacağıq. Lazım gələrsə, döyüş yolu ilə ərazilərimizi erməni işğalçılarından geri alacağıq. Həmin zaman gəldi. 2020-ci ilin sentyabrın 27-dən başlayan tarixi 44 gün ərzində rəşadətli ordumuz Şuşaya doğru dayanmadan, inamla irəlilədi. Vaxtilə xəyal kimi görünən bu arzu reallığa çevrildi. 2020-ci il noyabrın 8-də Qarabağın tacı, Azərbaycanın mədəniyyət mərkəzi Şuşa düşmən işğalından azad edildi.

Azərbaycanın igid oğulları otuz ilə yaxın düşmən işğalı altında qalmış kəndlərimizi, rayonlarımızı, şəhərlərimizi azad etdilər və addım-addım böyük Zəfərə yaxınlaşdılar. 44 gün davam edən İkinci Qarabağ müharibəsinin hər günü Azərbaycan tarixinə şanlı qələbələrlə yazıldı.

Azərbaycan xalqının, dövlətinin dahi xilaskarı Ulu Öndər Heydər Əliyevin vaxtilə cani-könüldən dilədiyi Qarabağ, Şuşa arzularının çin olduğu müqəddəs gündən Şuşanın yeni tarixi başladı. Ölkəmizin tarixinə qızıl hərflərlə yazıln 44 günlük Vətən müharibəsi bitdikdən dərhal sonra haqq savaşına qalxan Azərbaycan xalqının Müzəffər Komandanının mükəmməl hərbi taktikası sayəsində üçrəngli bayrağımızın qürurla dalğalandırıldığı Şuşa gülüstana, cənnətə çevrilir. Möhtəşəm quruculuq işlərinin həyata keçirildiyi Qarabağın incisi Şuşa şəhərində öz yurd-yuvalarına qayıdan soydaşlarımızın həyat şəraitinin yaxşılaşdırılması üçün böyük layihələr həyata keçirilir.

Ulu Öndər Heydər Əliyev yolunun davamçısı, ölkə Prezidenti cənab İlham Əliyev dəfələrlə qeyd edib ki, işğaldan azad olunmuş ərazilərdəki doğma kənd və şəhərlərinə qayıdan insanlar üçün ən yaxşı həyat şəraiti yaradılacaq. Çünki bu insanlar uzun illər məcburi köçkün həyatı yaşayaraq çətinliklərə dözmüş, yurd həsrəti çəkmişlər. Artıq Ali Baş Komandanın qeyd etdiyi o gün reallığa çevrilib. Ulu Öndər Heydər Əliyev ideyalarının layiqli davamçısı ölkə Prezidentimizin rəhbərliyi ilə Azərbaycan xalqı cəmi 44 günə işğaldan azad edilən torpaqlarımıza, yurd yerlərimizi çənnətə çevirir. Yurdlarına dönən, isti od-ocaqlarına qovuşan soydaşlarımızın, o torpaqlarda doğulan körpələrin şən qəhqəhələri bir daha dünyaya “Qarabağ Azərbaycandır!” ismarıçı verir.

Qalib xalqımiz Azərbaycanı qələbələrdən qələbələrə aparan Prezident İlham Əliyevin sərəncamı ilə 8 Noyabr günündə Zəfər Günü ilə birlikdə Şuşa Şəhəri Gününü qürurla, fəxrlə bayram edir. Zəfərin mübarək, əziz Şuşa!

Paylaş:

Baxılıb: 469 dəfə