YAP Mingəçevir şəhər təşkilatında 2018-ci ildə görülmüş işlər və qarşıda duran vəzifələrlə bağlı yığıncaq keçirilib

Bakı:

29 °C

41 %

7 m/s

AZ RU EN

Ana səhifə / YAP xəbərləri / YAP Mingəçevir şəhər təşkilatında 2018-ci ildə görülmüş işlər və qarşıda duran vəzifələrlə bağlı yığıncaq keçirilib

YAP Mingəçevir şəhər təşkilatında 2018-ci ildə görülmüş işlər və qarşıda duran vəzifələrlə bağlı yığıncaq keçirilib

06.02.2019 [09:42]

Yeni Azərbaycan Partiyası (YAP) Mingəçevir şəhər təşkilatında 2018-ci ildə görülmüş işlər və qarşıda duran vəzifələrlə bağlı geniş yığıncaq keçirilib. YAP Mingəçevir şəhər təşkilatının sədri Cavanşir Yusubov gündəlikdə duran məsələ haqqında məlumat verərək, ötən il ərzində şəhər təşkilatının fəaliyyəti haqda geniş hesabat məruzəsi ilə çıxış edib. Bildirilib ki, şəhər təşkilatı fəaliyyətini əvvəlki illərdə olduğu kimi, hesabat ilində də Azərbaycan Respublikasının qanunvericiliyinə, partiyanın Nizamnamə və Proqramına, YAP Mərkəzi Qərargahının tapşırıq və tövsiyələrinə əsasən icra edərək, ölkə başçısı İlham Əliyevin daxili və xarici siyasətinin ictimaiyyət arasında geniş təbliği istiqamətində davam etdirib.
Hesabat dövründə YAP Mingəçevir şəhər təşkilatı partiya üzvlərinin fəal iştirakı ilə Ulu öndər Heydər Əliyevin anadan olmasının 95 illik yubileyi və digər əlamətdar tarixi günlərlə bağlı bir sıra tədbirlər keçirib. Eyni zamanda, ərazi ilk partiya təşkilatları ilə mütəmadi əlaqələr qurularaq, ideoloji işlər görülüb. Ötən il ərzində şəhər təşkilatının sıralarına 228 nəfər qoşulub ki, bunlardan 117 nəfəri gənc, 122 nəfəri isə qadındır.
Sonra YAP Mingəçevir şəhər təşkilatının Gənclər Birliyinin sədri Bəxtiyar Mustafayev, Qadınlar Şurasının sədri Nurcamal Əsgərova, Şəhid Ailələri Cəmiyyətinin sədri İranə Həsənova çıxış edərək, gündəlikdə duran məsələ ilə bağlı fikirlərini, təkliflərini bildiriblər.
Yığıncaqda çıxış edən Mingəçevir şəhər İcra Hakimiyyətinin başçısı İlham İsmayılov YAP Mingəçevir şəhər təşkilatının ötən il ərzində uğurla fəaliyyət göstərdiyini qeyd edib. İ.İsmayılov ötən ilin 11 aprel tarixində keçirilən prezident seçkilərini xüsusi vurğulayaraq dövlət başçısı cənab İlham Əliyevin bir daha seçkilərdə parlaq qələbəsindən danışaraq, partiya üzvlərinin bu siyasi prosesdəki fəal iştirakından da bəhs edib. O bildirib ki, Prezident İlham Əliyevin uğurlu daxili və xarici siyasəti nəticəsində ölkəmiz sürətlə inkişaf edir və bəzi xarici havadarlarına sığınan qüvvələr Azərbaycan əleyhinə çirkin kampaniyalar aparmaqla bu inkişafa mane olmağa cəhd edirlər. Lakin Azərbaycanın uğurlarının əsas zəmanəti xalqla iqtidarın birliyi və dövlətimizin uğurlu siyasətidir.
Sonda müzakirə olunan məsələlərlə əlaqədar müvafiq qərarlar qəbul edilib.

Paylaş:

Baxılıb: 975 dəfə