Heydər Əliyevin yenidən hakimiyyətə qayıdışı Azərbaycanı böhranlı vəziyyətdən xilas etdi

Bakı:

26 °C

57 %

12 m/s

Əlaqə

AZ RU EN

Ana səhifə / YAP xəbərləri / Heydər Əliyevin yenidən hakimiyyətə qayıdışı Azərbaycanı böhranlı vəziyyətdən xilas etdi

Heydər Əliyevin yenidən hakimiyyətə qayıdışı Azərbaycanı böhranlı vəziyyətdən xilas etdi

21.06.2022 [11:54]

İlqar İlyasov

YAP Laçın rayon təşkilatının sədri

XX əsrin sonları dünyada baş verən qlobal yeniləşmə Post Sovet Ölkələrindən də yan keçmədi. Sovetlər İttifaqının dağılması zərurəti zamanın tələbinə çevrilmişdi. Təbii ki, tarixdə bu cür dəyişikliklər bəlasız ötüşmür. İttifaq özünü buraxmaq istəmir zaman isə SSRİ - nin ziyanına işləyirdi. Bu cür xaotik dövrdə süquta uğrayan İmperiyanın quduz caynaqları Azərbaycandan da yan ötmədi. 20 yanvar faciəsinin ardınca yeni - yeni qırğınlar törədilir, Ölkə daxilində isə Xalq hərəkatını şəxsi maraqları istiqamətinə sürükləyən dəstələr yaranmaqda idi. Keçid dövrünün ilk imkanlarından faydalanan AXC- Müsavat cütlüyü hakimiyyəti mənimsəyə bildi. Ancaq danılmaz faktdır ki, hakimiyyətə gəlmək mümkün olsa da, idarəetməni tənzimləmək bacarıq və peşəkarlıq tələb edir. İlk günlərdən cəbhə hakimiyyətinin naşılığı ucbatından istifadə edən ayrı - ayrı cinayətkar qruplar silahlı dəstələr yaradaraq ölkəni talamaq, xalqı incitməklə var dövlət toplamaq üçün bütün çirkin vasitələrdən istifadə etdilər. Sanki cinayətkar dəstələr ölkəni dağıtmaq üçün yarışa girib Elçibəy hakimiyyəti isə bu qrupların əlində oyuncağa çevrilmişdi. Daxildə baş verən hərc- mərcilikdən istifadə edən mənfur düşmən özü üçün sərfəli məqam görüb torpaqlarımızı işğal etməyə başladılar. Xalq Qarabağda əliyalın, köhnə, az sayda ov tüfəngləri ilə döyüşüb torpağını müdafiə edir, Bakıda isə hakimiyyət uğrunda mübarizə gedir. Gəncədə digər yerlərdə vətəndaş müharibəsi başlayır, qardaş qardaşın qanını axıdırdı. Bu cür çətin dövrdə cəbhəçilər, hakimiyyəti idarə edə bilməyərək dahi şəxsiyyət Heydər Əliyevə müraciət etmək məcburiyyətində qaldılar. Əvvəlcə etiraz edən Ulu Öndər sonra xalqın müraciətinə biganə qala bilməyərək Bakıya gəldi. Ulu Öndərin gəlişi ilə sülh gəldi, qardaş qırğını dayandırıldı, vətəndaş müharibəsinin qarşısı alındı. Yer kürəsinin xəritəsindən silinmək təhlükəsi ilə üz üzə qalan Azərbaycanda möhkəm dövlətçilik ənənəsinin bünövrəsi qoyuldu. Ulu Öndər Heydər Əliyev yalnız və yalnız xalqa güvənir, xalqa arxalandı. Yeni dövlətçilik qaydalarının təməli qoyuldu. Peşəkar siyasətçi məhz bu çətin məqamda vətəndaş həmrəyliyinə, milli barışıga nail ola bildi. Qısa zamanda daxildəki separatçıları yüksək intelektinin və təcrübəsinin hesabına heç bir güc tətbiq etmədən neytrallaşdıraraq milli barışığa nail oldu. Bu mürəkkəb situsiyadan qansız, savaşsız çıxmaq bacarığı yalnız dahi Liderdə ola bilərdi. Azərbaycan Ali Sovetinin sədri Heydər Əliyevin Prezident səlahiyyətlərini icra etməyə başlaması, onun məsuliyyətini və üzərinə düşən qayğıların çəkisini artırırdısa da Ulu Öndər heç bir maneədən çəkinməyərək əzmlə, mərdliklə, yüksək idarəetmə təcrübəsi və bacarığı ilə ölkəni düşdüyü ağır vəziyyətdən çıxarmağa çalışırdı. Bir tərəfdən dişləri yağlı tikəyə batan daxili yırtıcıların müqavimətləri, təxribatları, digər tərəfdən Azərbaycana uzanan məkrli xarici əllər, başqa bir tərəfdən isə ərazi bütövlüyümüzə təcavüz edən mənfur qonşuların hücumları.

Torpaqlarımızın bir hissəsi artıq işğal edilmiş, təchizatsız, hərbi strategiyası müəyyənləşdirilməmiş zəifləmiş milli müdafiə qüvvələrinin gücünə nəsə əldə etmək müşkül məsələ idi. Heydər Əliyevin təcrübəli dövlət xadimi olması ilə yanaşı, peşəkar general, komandanlıq istedadı və bacarığı cəbhədə vəziyyəti sabitləşdirə bildi. Ulu Öndərin rəhbərliyi ilə layiqli zərbələr alan düşmən məcbur qalıb danışıqlar masasına gəldi. Bununla da Azərbaycan güclənmək üçün bir fürsət qazandı və 30 ilin sonunda Müzəffər Ali Baş Komandanın rəhbərliyi ilə Rəşadətli Ordumuz Qarabağda möhtəşəm qələbəyə imza atdı və ərazi bütövlüyümüz bərpa olundu. Nə qədər tarix var Azərbaycan var, nə qədər Azərbaycan var Ulu Öndərin ideyaları yaşayacaq!

Paylaş:

Baxılıb: 685 dəfə