Ermənistanın Azərbaycan əraziləri daxilində baş verən hadisələrlə bağlı iddiaları böhtandır

Bakı:

20 °C

68 %

2 m/s

AZ RU EN

Ana səhifə / YAP xəbərləri / Ermənistanın Azərbaycan əraziləri daxilində baş verən hadisələrlə bağlı iddiaları böhtandır

Ermənistanın Azərbaycan əraziləri daxilində baş verən hadisələrlə bağlı iddiaları böhtandır

22.12.2022 [11:02]

Vətən müharibəsindən sonra Azərbaycan özünün beynəlxalq hüquqla tanınan ərazi bütövlüyünü təmin etdi. İşğalçı Ermənistan döyüş meydanında ağır məğlubiyyətə uğrayaraq kapitulyasiya aktına imza atmağa məcbur oldu. Tarixi dərslərdən nəticə çıxarmaq istəməyən Ermənistan Üçtərəfli Bəyanatın imzalanmasından ötən dövr ərzində üzərinə götürdüyü öhdəlikləri tam yerinə yetirməməklə yanaşı, Azərbaycanın ərazisi daxilində sülhməramlıların arxasına sığınaraq cinayət əməlləri törətməkdə davam edir.

Azərbaycan Vətən Müharibəsində nümayiş etdirdiyi kimi, ölkəmizin milli maraqlarına zidd hərəkətlər etməyə çalışan bütün qüvvələrə qarşı güclü iradəyə əsaslanan sarsılmaz mövqeyə malikdir. Ölkəmizin vətəndaş cəmiyyətinin nümayəndələrinin və ekologiya fəallarının Şuşa-Laçın yolunda həyata keçirdiyi etiraz aksiyası bir daha qətiyyətli vətəndaş mövqeyini ortaya qoydu. Ermənilər Şuşa-Laçın yolunda təşkil olunmuş etiraz aksiyasının səbəbləri və məqsədlərini təhrif edilmiş formada şərh edərək beynəlxalq ictimaiyyətdə yanlış rəy formalaşdırmağa çalışırlar. Beynəlxalq hüququn bütün norma və prinsiplərini pozan, 30 ilə yaxın Azərbaycan ərazilərini işğal altında saxlayan, işğal siyasətinə son verildikdən sonra hələ də qanunsuz silahlı dəstələrini Azərbaycan ərazilərindən çıxarmayan, hərbi və mina təhdidlərini davam etdirən Ermənistan, Azərbaycanı “beynəlxalq hüququ pozmaqda”, “etnik təmizləmədə”, “soyqırım siyasətində” ittiham edirlər.

Amma dünyanın hadisələrə obyektiv baxışa malik cəmiyyətləri erməni yalanlarına inanmırlar. Aksiyaya səbəb Rusiya Federasiyası sülhməramlı kontingentinin müvəqqəti yerləşdiyi Azərbaycan ərazilərində təbii sərvətlərin qeyri-qanuni istismarı və ekoloji vəziyyətin pisləşməsi ilə bağlı monitorinq məqsədilə dövlət qurumlarının nümayəndələrinin və mütəxəssislərin əraziyə girişinə maneçilik törədilməsidir. Ermənistan tərəfinin guya Laçın yolunun bağlanması, bölgədə humanitar fəlakət yaşanması, etnik təmizlənmə həyata keçirilməsi barədə iddiaları böhtandır və həqiqəti əks etdirmir.

Azərbaycan dövləti və ictimaiyyəti bu cür qanunsuz hərəkətlərə yol verənlərə qarşı, suveren ərazisində baş verən özbaşınalıqlara göz yuma bilməzdi. Aksiyaçıların tələbi bütöv Azərbaycan xaıqının tələbidir. Bu tələb Ermənistan tərəfindən Laçın-Xankəndi yolundan hərbi məqsədlər üçün istifadə edilməsinin, minaların və talan olunan təbii sərvətlərin daşınmasının qarşısının alınmasıdır.

Vətəndaş cəmiyyətinin bu mövqeyinə hörmətlə yanaşılmalıdır. Ermənistan və güvəndikləri Rusiya sülhməramlı qüvvələri qısa zamanda real mənzərəni dərk edib tələblərin yerinə yetirilməsi istiqamətində konkret addımlar atmalıdır. Bu, Ermənistan üçün yeganə çıxış yoludur. Əks yanaşmalar Ermənistan üçün daha böyük çətinliklər yarada bilər.

Rövşən Əhmədov, YAP Ağcabədi rayon təşkilatının sədri.

Paylaş:

Baxılıb: 464 dəfə