Azərbaycan diplomatiyası siyasi müstəvidə də tarixi qələbələrə imza atmaqdadır

Bakı:

28 °C

61 %

5 m/s

Əlaqə

AZ RU EN

Ana səhifə / YAP xəbərləri / Azərbaycan diplomatiyası siyasi müstəvidə də tarixi qələbələrə imza atmaqdadır

Azərbaycan diplomatiyası siyasi müstəvidə də tarixi qələbələrə imza atmaqdadır

21.08.2023 [11:02]

YAP Ağdam rayon təşkilatının sədri

Mansur Quliyev

Azərbaycan diplomatiyası siyasi müstəvidə də tarixi qələbələrə imza atmaqdadır, necə ki döyüş meydanında, 44 günlük Şanlı Vətən Müharibəsində Müzəffər Ali Baş Komandanımız İlham Əliyevin rəhbərliyi ilə qüdrətli Azərbaycan Ordusu “məğlubedilməz ordu” mifini darmadağın etdi və döyüş meydanında tarixi ədaləti pərpa etdi.

Bu gün Azərbaycan Cənubi Qafqaz regionunda sülhün və təhlükəsizliyin təmin olunmasında söz sahibinə çevrilmişdir.

Ölkəmizə qarşı növbəti qarayaxma kampaniyası çərçivəsində çıxış edən rəsmi İrəvan “yazıq”, “əzilmiş” və “ac” erməni obrazını yaratmaqla dünyanın diqqətini növbəti dəfə üzərinə cəlb etməyə cəhd göstərdi, lakin bu dəfə də Ermənistanın bu cür avanturist addımı uğursuzluğa düçaq oldu. Çünki hər zaman olduğu kimi ortada əsaslı səbəb və dəlillər yoxdur.

Qeyd edək ki, BMT Təhlükəsizlik Şurasının 16 avqust 2023- cü il tarixində keçirilmiş növbədənkənar iclasında Ermənistanın növbəti təxtibat xarakterli mövqeyi onun regionda sülh tərəfdarı olmadığını bir daha nümayiş etdirmiş oldu və bu cür qeyri konstruktiv mövqe iflasa məhkum idi, belə də oldu. Azərbaycan diplomatiyası yenə növbəti qələbəyə imza atmış oldu.

Bütün bu uğurların təməl prinsipini isə ölkə Prezidenti cənab İlham Əliyevin uğurlu xarici siyasət kursu, dəmir iradəsi təşkil edir və bu gün Azərbaycan regionda təhlükəsizliyin əsas təminatçısı kimi çıxış etməkdədir.

Azərbaycan sülh təklifi rəsmi İrəvan üçün son şansdır və Ermənistan tərəfi bu təklifi dəyərləndirməlidir. 44 günlük Vətən müharibəsindən sonra regionda yaranmış reallıqlar Azərbaycanın diktə edən tərəf kimi formalaşmasına böyük zəmin yaratmış oldu. Hazırda dünya gücləri yeni reallıqları qəbul edib. Ermənistan da bu reallıqları qəbul etməyə məcburdur.

Qeyd edək ki, prinsip etibarilə Ermənistanın yeni reallıqla barışması qaçılmazdır, çünki başqa yolu yoxdur və xüsusilə vurğulamaq lazımdır ki, Qarabağda yaşayan ermənilərin gələcəyi ancaq Azərbaycan cəmiyyətinə inteqrasiyadan keçir. Bunun başqa alternativi yoxdur!

Azərbaycan dövləti Ermənistandan fərqli olaraq hər zaman beynəlxalq hüququn norma və prinsiplərinə uyğun siyasət aparır və bölgədə sülhün təmin olunmasında maraqlı olan bir ölkədir.

Qeyd etmək lazımdır ki, 10 noyabr 2020-ci ildə imzalanmış üçtərəfli Bəyanatın müddəalarından biri də Azərbaycan ərazisində olan qanunsuz erməni silahlı birləşmələrinin çıxarılmasıdır. Ermənistan tərəfi hələ də bu öhdəliyi yerinə yetirməyib.

Ermənistanın bu cür ucuz “diplomatik” gedişləri öz ölkəsini və xalqını uçuruma aparmaqdadır.

Paylaş:

Baxılıb: 715 dəfə