Azərbaycan həqiqətləri bu dəfə də diqqət mərkəzində

Bakı:

28 °C

61 %

5 m/s

Əlaqə

AZ RU EN

Ana səhifə / YAP xəbərləri / Azərbaycan həqiqətləri bu dəfə də diqqət mərkəzində

Azərbaycan həqiqətləri bu dəfə də diqqət mərkəzində

09.10.2023 [12:13]

Oktyabrın 2-də Bakı Konqres Mərkəzində 74-cü Beynəlxalq Astronavtika Konqresinin açılış mərasimi keçirildi. Mərasimdə Azərbaycan Respublikasının Prezidenti İlham Əliyev, Birinci xanım Mehriban Əliyeva və oğulları Heydər Əliyev iştirak etdlər.

Dövlətimizin başçısı 100-dən artıq ölkəni təmsil edən 5000-dən çox iştirakçının iştirak etdiyi nüfuzlu beynəlxalq tədbirin açılış mərasimində çıxış etdi.

Prezident cənab İlham Əliyev çıxış edərək bildirdi ki, Azərbaycan on ildən artıq müddət əvvəl beynəlxalq kosmik ailənin üzvü olub. Bu gün ikisi telekommunikasiya, biri isə Yer səthinin müşahidəsi peykinə malik olaraq biz Azərbaycanda kosmik sənayenin inkişafını davam etdiririk. Onu da bildirim ki, bu üç peyk azərbaycanlı mütəxəssislər tərəfindən idarə olunur və onlar təkcə Azərbaycana deyil, 45-dən artıq ölkəyə xidmət göstərirlər.

Dövlət başçısı çıxışı zamanı ölkəmizin müstəqillik illərində yürüdülən siyasətdən, mövcud reallıqlardan, Azərbaycan həqiqətləridən və həyata keçirilən enerji layihələrindən geniş bəhs etdi. Azərbaycan beynəlxalq ictimaiyyətin fəal üzvü kimi olduqca mühüm siyasi, iqtisadi və regional inkişaf layihələrində iştirak edir deyən dövlət başçımız bildirdi ki, Azərbaycan artıq dördüncü ildir ki, BMT-dən sonra ikinci ən böyük beynəlxalq təsisata – Qoşulmama Hərəkatına sədrlik edir. Azərbaycan 120 dövlətin yekdil qərarı ilə belə bir nüfuzlu təşkilata sədrlik etmək şərəfinə layiq görülmüşdür.

Çıxışı zamanı dünyanın aparıcı güclərinə, Azərbaycanın dostlarına və düşmənlərinə siyasi mesajlar ünvanlayan Prezident İlham Əliyev qeyd etdi ki, Azərbaycanda kosmik sənayenin inkişafına uzun illər öncədən təşəbbüs göstərilib. Azərbaycan hələ Sovet İttifaqının tərkibində olduğu dövrdə Ümummilli Lider Heydər Əliyevin səyləri nəticəsində 50 il qabaq Astronavtika Konqresinin Bakıda keçirilməsi mümkün olmuşdur. Dövlət başçımız müstəqillik dövründə də Azərbaycanın beynəlxalq ictimaiyyətin fəal üzvünə çevrildiyini, beynəlxalq ictimaiyyətin fəal üzvü kimi ölkəmizin siyasi, iqtisadi, regional inkişaf proqramlarında iştirakını vurğuladı.

Prezident İlham Əliyev bir daha Azərbaycan həqiqətlərini, ölkəmizin 30 il işğalla üz-üzə qaldığını və bir milyondan çox azərbaycanlının qaçqın və məcburi köçkün vəziyyətinə düşdüyünü diqqətə çatdıraraq bildirdi ki, üç il əvvəl biz təxminən 30 il ərzində pozulmuş ərazi bütövlüyümüzü bərpa etdik. Biz təcavüzdən, işğaldan və etnik təmizləmədən əziyyət çəkdik və bu, millətimiz üçün böyük faciə, böyük humanitar fəlakət idi. 28 il ərzində biz danışıqlar prosesinə qəti surətdə sadiq qaldıq, lakin əfsuslar ki, biz anladıq: bunu sülh yolu ilə etmək mümkünsüzdür. İşğala son qoymaq öhdəliyini üzərinə götürmüş beynəlxalq təşkilatlar hər hansı nəticəyə nail olmadı. BMT Təhlükəsizlik Şurası erməni qoşunlarının ərazilərimizdən dərhal və qeyd-şərtsiz çıxarılmasını tələb edən dörd qətnamə qəbul etdi. Lakin həmin qətnamələr 27 il icra olunmadı. Biz həmin qətnamələri insanlarımızın həyatını qurban verərək özümüz icra etdik.

Dövlətimizin başıçısı 20 il əvvəl yoxsulluq şəraitində yaşayan insanların sayı 50 faizə yaxın olduğunu, hazırda isə yoxsulluq 5,5 faiz təşkil etdiyini tədbir iştirakçılarının diqqətinə çatdıraraq bildirdi ki, bu onu göstərir ki, hasil etdiyimiz və beynəlxalq bazarlara çıxardığımız təbii sərvətlər lazımi qaydada idarə olunub.

74-cü konqresin Bakıda keçirilməsi Azərbaycana olan böyük etimadın göstəricisidir. Eyni zamanda 100-dən artıq ölkəni təmsil edən 5 minə yaxın mütəxəssisin Bakıda toplaşması isə tədbirin beynəlxalq nüfuzunun göstəricisidir.

Əminliklə demək olar ki, belə bir beynəlxalq tədbirin İkinci dəfə Azərbaycanda keçirilməsi ölkəmizdə kosmik sənayenin inkişafına, Beynəlxalq Astronavtika Federasiyası ilə əməkdaşlığın genişləndirilməsinə əhəmiyətli dərəcədə tövfə verəcək.

Sahib Şükürov

YAP Göyçay rayon təşkilatının sədri

Paylaş:

Baxılıb: 603 dəfə