YAP Səbail rayon təşkilatının yaranmasının 31 illiyi münasibətilə tədbir keçirilib

Bakı:

20 °C

83 %

6 m/s

Əlaqə

AZ RU EN

Ana səhifə / YAP xəbərləri / YAP Səbail rayon təşkilatının yaranmasının 31 illiyi münasibətilə tədbir keçirilib

YAP Səbail rayon təşkilatının yaranmasının 31 illiyi münasibətilə tədbir keçirilib

21.02.2024 [15:25]

YAP Səbail rayon təşkilatının yaranmasının 31 illiyi münasibətilə tədbir keçirilib

Tədbirdə ilk öncə Azərbaycan Respublikasının Dövlət Himni səsləndirilib. Sonra tədbir iştirakçıları ulu öndər Heydər Əliyevin və şəhidlərimizin xatirəsini bir dəqiqəlik sükutla yad edib.

YAP Səbail rayon təşkilatının sədri Muxtar Nağıyev çıxış edərək 7 fevral 2024-cü ildə keçirilən prezident seçkilərində xalqımızın etimadını növbəti dəfə qazanan cənab İlham Əliyevin 92,12% səs toplayaraq yenidən ölkə başçısı seçilməsi və inamlı qələbəsi münasibətilə partiya üzvlərini təbrik edib. Təşkilatın 31 illik fəaliyyətindən danışan təşkilat sədri Ümummilli Liderin xalqımız və dövlətimiz qarşısında xidmətlərini diqqətə çatdıraraq bildirib ki, Heydər Əliyev ali siyasi iradəsi ilə xilaskarlıq missiyasını yerinə yetirib. Ulu Öndər Heydər Əliyevin dövlətçilik ideyaları ilə silahlanmış müstəqil Azərbaycan hazırda Prezident İlham Əliyevin rəhbərliyi altında daha xoşbəxt sabahlara doğru uğurla addımlamaqdadır. Qarabağ zəfərinin böyük siyasi xəttin layiqli nəticəsi olduğunu vurğulanıb.

Çıxış edən Səbail rayon İcra Hakimiyyətinin başçısının müavini Kəmalə Həşimova Ümummilli Liderin Azərbaycanın işıqlı gələcəyinə hesablanmış mükəmməl siyasətini yeni müstəvidə dövrün tələblərinə uyğun şəkildə uğurla davam etdirən Prezident İlham Əliyevin rəhbərliyi ilə ölkəmiz hərtərəfli inkişaf etməkdədir.

Daha sonra çıxış edənlər Milli Məclisin deputatı Sadiq Qurbanov, AMEA Molekulyar Biologiya və Biotexnologiyalar İnstitutunun direktoru İradə Hüseynova, “91-lər” hərakatının üzvləri Novruz Quliyev və Hacan Hacıyev, ADPU-nun Beynəlxalq əlaqələr üzrə prorektoru Mahirə Hüseynova çıxışlarında çatdırıblar ki, 1993-cü ilin iyununda ölkədəki ictimai-siyasi vəziyyət daha ağırlaşmışdı və xalq təkidli tələblə Heydər Əliyevin hakimiyyətə qayıtmasını tələb etdi. Ulu Öndər hakimiyyətə qayıtdıqdan sonra ilk olaraq atəşkəs rejimi yaradıldı, ictimai-siyasi sabitlik yaradıldı və iqtisadi inkişafın əsası qoyuldu.

Hazırda Prezident, Müzəffər Ali Baş Komandan İlham Əliyevin rəhbərliyi ilə Azərbaycan Ordusu Qarabağı erməni işğalından azad edib. Bu Qələbənin əsasını Heydər Əliyev Azərbaycanı inkişaf etdirərək yaratmışdı.

Azərbaycanın bu gün əldə etdiyi qələbələr və qazandığı uğurların arxasında Heydər Əliyevin siyasi kursunun uğurlu davamı dayanır. Prezident İlham Əliyev Ulu Öndərin siyasi kursunu layiqlə davam etdirərək ata vəsiyyətini yerinə yetirdi və Azərbaycanın suverenliyini bərpa edərək Qarabağı işğaldan azad etdi. Bu gün Qarabağda böyük quruculuq işləri həyata keçirilir. Qarabağdan didərgin düşən vətəndaşlarımız tədricən öz doğma yurdlarına qayıdırlar.

Sonda 7 fevral prezident seçkilərində fəal iştirak edən partiya üzvlərinə təşəkkürnamə və Yeni Azərbaycan Partıyasının sıralarına daxil olan yeni üzvlərin vəsiqələri təqdim edilib.

Paylaş:

Baxılıb: 529 dəfə