Nefti inkişafa çevirdik

Bakı:

31 °C

45 %

3 m/s

Əlaqə

AZ RU EN

Ana səhifə / YAP xəbərləri / Nefti inkişafa çevirdik

Nefti inkişafa çevirdik

11.03.2024 [11:24]

Azərbaycan Respublikasının Prezidenti İlham Əliyev martın 1-də Cənub Qaz Dəhlizi Məşvərət Şurası çərçivəsində nazirlərin 10-cu və Yaşıl Enerji Məşvərət Şurası çərçivəsində nazirlərin 2-ci iclasları zamanı “Euronews” televiziyasına müsahibə verib.

Dövlətimizin başçısı müsahibəsində Cənub Qaz Dəhlizinin uğurlu istismarı və inkişafındakı nailiyyətlər barədə danişib, bu kimi tədbirlərin əhəmiyyətindən bəhs edib, bir çox mühüm fikirlər səsləndirib, eyni zamanda ciddi mesajlar verib.

Prezident İlham Əliyev müsahibəsində Azərbaycanın bərpaolunan enerji layihələri gündəliyinun çox iddialı olduğunu, Beynəlxalq Maliyyə Korporasiyasının hesablamalarına əsasən, Xəzər dənizinin Azərbaycan sektorunda potensialı 157 giqavat təşkil etdiyini bildirib. Ölkə başçısı Azərbaycanın artıq bu mühüm yolu qət etməyə başladığını və 10 ilə ölkədə bərpaolunan enerjidən maksimum dərəcədə istifadə etməyi və daxili bazarda təbii qaz istehlakını azaltmağı planladığını əlavə edib.

“Bizim nailiyyətimizdir ki, biz neft və qaz ehtiyatları olan bir çox ölkənin üzləşdiyi “neft lənətinə” düçar olmamağı bacardıq”- deyən Prezident İlham Əliyev qeyd edib ki, Biz nefti inkişafa çevirdik, sərvətin ədalətli paylanmasını təmin etməyə nail olduq. Dövlətimizin başçısı onu da bildirib ki, son 20 ildə ölkəmizdə yoxsulluğun səviyyəsini 50 faizdən 5 faizə endirilib. Bakıda bütün gördükləriniz infrastrukturun tamamilə yeni inkişafı və insanların həyat səviyyəsinin yaxşılaşmasıdır

COP 29 kimi beynəlxalq əhəmiyyətli tədbirin ölkəmizdə keçirilməsi ilə bağlı mühüm məqamlara da toxunan Prezident İlham Əliyev qeyd etdi ki, bərpa olunan enerji layihəsinin həyata keçirilməsi ümumi yaşıl enerji gündəliyimizin və məsuliyyət hissimizin bir hissəsini təşkil edir. Qazıntı yanacağı ilə zəngin ölkələr yaşıl enerjiyə keçiddə ön sıralarda olmalıdır. Ölkə başçısı onu da diqqətə çatdırıb ki, biz bunu ənənəvi ehtiyatlarımız çatışmadığına görə etmirik, ona görə edirik ki, neft-qaz satışından əldə etdiyimiz maliyyədən, gəlirlərdən bərpaolunan enerjiyə sərmayə yatırmaq üçün istifadə etməklə töhfə verək. Həm də buna ehtiyacın olduğuna dair ümumi bir anlayış yaratmaq istəyirik.

Prezident İlham Əliyev müsahibəsində təssüf hissi ilə bildirib ki, indi deyirlər ki, qazıntı yanacağı təhlükəlidir, mənfidir və günah bu ehtiyata sahib olan ölkələrdədir. Ölkə başçısı bunu deyən qüvvələrə mesaj göndərərərək vurğulayıb ki, bizə gördüyümüz işə görə, gəlirlərdən insanların ehtiyaclarını təmin etmək və yaşıl enerji gündəliyinə təkan vermək üçün necə istifadə etdiyimizə görə qiymət verilməlidir.

Sahib Şükürov

Yeni Azərbaycan Partiyası Göyçay rayon təşkilatının sədri

Paylaş:

Baxılıb: 588 dəfə