Konqres daha böyük xarici siyasət strategiyasını müəyyənləşdirməlidir

Bakı:

15 °C

67 %

8 m/s

Əlaqə

AZ RU EN

Ana səhifə / Dünya / Konqres daha böyük xarici siyasət strategiyasını müəyyənləşdirməlidir

Konqres daha böyük xarici siyasət strategiyasını müəyyənləşdirməlidir

16.04.2015 [10:17]

Hazırkı ABŞ administrasiyası Orta Şərq, Avrasiya və ətraf bölgələrdə üzləşdiyimiz problemlərin ciddiliyini anlamır. Bu regionlarda artan qeyri-sabitlik problemlərinə tətbiq edilən uzaqgörən olmayan yanaşma ən yaxşı halda qəbuledilməz, ən pis halda isə adamı şok vəziyyətinə salandır. Administrasiya Konqresin yardımı ilə artan problemləri aradan qaldırmaq məqsədilə daha geniş mövqe nümayiş etdirməli və daha hərtərəfli strategiyanı müəyyən etməlidir.
Belə ki, buraxılan səhvlər həddindən artıq çoxdur.
Bununla belə, Ağ Ev ən mühüm münasibətlərinin əsaslarını, o cümlədən, məhz Amerikanın müttəfiqi olduqlarına görə İran mollalarının açıq tənqidinə məruz qalan demokratik İsrail dövləti və terrorçuluğa qarşı mübarizə aparan Azərbaycanla əlaqələrinin bünövrəsini sarsıdır.
Obama və Baş nazir Benyamin Netanyahu arasında kiçik, fərdi toqquşmalar səbəbindən İsrail ilə olan münasibətlərimizin əvvəlki dövrlərlə müqayisədə pis olduğunu demək, yəqin ki, yerinə düşərdi. ABŞ administrasiyasının rəhbərlərinin Azərbaycanı avtoritar, sərt dövlət adlandıraraq, özündən sürətlə və birdəfəlik qaydada uzaqlaşdırması Azərbaycan rəhbərlərinin məyusluğunu artırır. Azərbaycan vətəndaş cəmiyyəti dəyərlərinə, qadın məsələlərinə və Qərbə ardıcıl və mərhələli şəkildə açıqlığı ilə seçilən yeganə müsəlman ölkəsidir. Azərbaycan ABŞ-ın müsəlman dünyasında yeganə əsl və etibarlı dostlarından biridir... və bu ölkə digər müsəlman ölkələrlə münasibətlərə və hətta Moskva ilə əlaqələrə gəldikdə, öz müdrik məsləhətləri ilə xidmət edə bilər. Bunun əksi olaraq, administrasiya Azərbaycanda mövcud, birmənalı şəkildə dünyəvi, Qərb yönümlü və inkişaf edən ölkə kimi aydın proseslərə göz yumur. Halbuki, Amerika öz tərəfdaşlarından məhz bu cəhətləri istəyir.
“Dünya təlatümlər içərisindədir”, lakin ABŞ belə məsələləri həll etmək üçün kifayət qədər çalışmır. Bu mesajı konqresmen Con Boner İsraildə aprelin 2-də açıqlamışdır. Bonerin sözlərini “artıq” hesab edənlər sadəlövh insanlardır.
Obamanın qətiyyətsiz olması, mövcud olmuş qərarların ləğvi və öz komandasının verdiyi tövsiyələri açıq şəkildə rədd etməsi Amerikanı gücsüz duruma salır. Bu cür qarşısıalınmaz xaos Amerikanın formalaşan (və ya çətin vəziyyətdən çıxa bilən) dövlətlərə, eləcə də, dünyanın strateji baxımdan mühüm bölgələrinə təsirinin azalması ilə nəticələnəcəkdir.
Konqres administrasiyaya düşdüyü bataqlıqdan çıxması üçün daima və ardıcıl şəkildə kömək etməlidir.
Caffe 19 ildir jurnalist işləyir. O, “The Jerusalem Post” qəzetinin keçmiş manşet xəbərlər redaktoru, “The Baltimore Jewish Times”ın keçmiş baş redaktoru və hazırda “Netsmart” şirkətində baş jurnalist və redaktordur.
Məqalə kiçik ixtisarla verilir.
Mənbə: The Hill, 12 aprel 2015-ci il, müəllif: Maayan Caffe

Paylaş:

Baxılıb: 1200 dəfə