"Yeni Azərbaycan" 1/4 finalda "Şərq+ 525-ci qəzet" ilə görüşəcək

Bakı:

17 °C

63 %

4 m/s

Əlaqə

AZ RU EN

Ana səhifə / İdman / "Yeni Azərbaycan" 1/4 finalda "Şərq+ 525-ci qəzet" ilə görüşəcək

"Yeni Azərbaycan" 1/4 finalda "Şərq+ 525-ci qəzet" ilə görüşəcək

07.07.2009 [10:29]

Şənbə günü “Xatirə Kuboku” turnirinin yarımfinalçıları bəlli olacaq
“Yeni Azərbaycan” qəzetinin təşkilatçılığı ilə ümummilli lider Heydər Əliyevin Azərbaycanda ilk dəfə hakimiyyətə gəlməsinin 40 illiyinə həsr edilən KİV komandaları arasında futzal üzrə “Xatirə Kuboku” turnirində 1/4 final mərhələsinin iştirakçıları bəlli oldu.
ötən şənbə və bazar günləri keçirilmiş 3-cü tur yarışları turnir cədvəlində komandaların vəziyyətinə çox da ciddi təsir etmədi. Belə ki, turnirin qrup favoritləri artıq ikinci turdan sonra, demək olar ki, bəlli idi. Son turun oyunları, sadəcə, qrup birincilərini müəyyən etmək baxımından əhəmiyyət daşıyırdı.
“A” yarımqrupundan növbəti mərhələyə vəsiqəni artıq “ciblərində” daşıyan “Yeni Azərbaycan” və AzTV-nin “Telefortuna” komandaları arasında üçüncü turun ilk oyunu maraqlı keçdi. Belə ki, turnirin bombardirləri məhz bu iki komandanın heyətində idi. “Yeni Azərbaycan”ın müdafiəçiləri ötən turda “Səs” komandasının qapısına 8 top vurmuş AzTV-nin forvardı Elnur Əşrəfoğlunu zərərsizləşdirməyə müvəffəq olsalar da, komandanın digər hücumçularını nəzərdən qaçırdılar. Nəticədə turnirdə ilk məğlubiyyətlə üzləşdilər. Görüş “Telefortuna”çıların xeyrinə başa çatdı -12:0. Lakin bu hesab “Yeni Azərbaycan”a qrup ikincisi kimi turnirin növbəti mərhələsinə adlamağa mane olmadı. Oyunda rəqib qapısına iki top vurmağa müvəffəq olan Elnur Əşrəfoğlu yenidən turnirin bombardirlər siyahısına başçılıq etmiş oldu- 15 top. Bu siyahıda növbəti yerlərdə “Zaman+çempion” komandasından Aydın Quliyev (12 top) və “Yeni Azərbaycan” qəzetindən Rami Vəlibəyov (11 top) qərarlaşıblar.
“B” yarımqrupunda “Lider TV” və “Zaman+çempion” komandalarının oyunu öz məhsuldarlığı ilə yadda qaldı. Belə ki, oyunda qapılara 19 top vuruldu. Bunlardan 11-i “qəzetçilərin”, qalanları isə “televiziyaçılar”ın qoruduğu qapı torunu silkələdi.
“D” yarımqrupunda mübarizə aparan “Xəzər TV” və “ATV” komandaları arasındakı görüş birincilərin tam üstünlüyü ilə başa çatıb- 16:3 . Beləliklə, “Xəzər TV” digər həmkarları - “AzTV” və “Lider TV” kimi , turnirin ilkin mərhələsinin oyunlarını məğlubiyyətsiz başa vuraraq 9 xalla öz yarımqruplarında lider mövqelərini qoruyub saxladılar.
Bazar günü keçirilən oyunlarda “SİA” və “AzərTAc” informasiya agentliklərinin komandaları arasında keçirilən oyun daha çox diqqət cəlb edib. Belə ki, birincilər əvvəlki iki turlardakı məğlubiyyətin əvəzini “AzərTAc”dan çıxıblar- 18:5. Lakin bu nəticə “SİA”ya növbəti tura adlamağa imkan verməyib. Eyni ssenari “Olaylar” və “525+Şərq” görüşündə təkrarlanıb. Hakimin final fiti oyunun 8:5 hesabı ilə “Olaylar”ın xeyrinə başa çatdığını bildirsə də, əvvəlki turlarda dalbadal uğradığı məğlubiyyət onları turnirin əsas mərhələsindən kənarda qoyub.
“Həftə içi” və “SƏS” qəzetlərinin komandalarının görüşündə birincilər meydana çıxmadığı üçün onlara texniki məğlubiyyət verilib - 0:5.
“ANS TV” və “İki sahil” komandaları arasında görüş isə texniki səbəbdən başqa vaxta keçirilib.
Beləliklə, 3 turda keçirilən ilkin dövrə yarışlardan sonra “Xatirə Kuboku” turnirinin baş mükafatı uğrunda yarışacaq komandaların adları bəlli olub.

Paylaş:

Baxılıb: 1505 dəfə