Heydər Əliyev
yeni azerbaycan logo

Ana səhifə / Siyasət / Azərbaycanla Türkiyənin münasibətləri dostluq və qardaşlıq prinsiplərinə əsaslanır

Azərbaycanla Türkiyənin münasibətləri dostluq və qardaşlıq prinsiplərinə əsaslanır

10.07.2009 [10:50]

YAP Sədrinin müavini-İcra katibi Əli Əhmədov Türkiyənin Ədalət və İnkişaf Partiyası Gənclər Birliyinin nümayəndə heyəti ilə görüşüb
Dünən Yeni Azərbaycan Partiyası Sədrinin müavini-İcra katibi, millət vəkili Əli Əhmədov Türkiyənin Ədalət və İnkişaf Partiyası Gənclər Birliyinin nümayəndə heyəti ilə partiyanın mənzil qərargahında görüşüb.
Qonaqları salamlayan Əli Əhmədov Azərbaycanla Türkiyənin münasibətlərinin dostluq və qardaşlıq prinsiplərinə əsaslandığını bildirib. YAP Sədrinin müavini vurğulayıb ki, bir millətin iki dövlətinin əlaqələri daim yüksələn xətlə inkişaf edir. Onun sözlərinə görə, dərin tarixi köklərə malik olan xalqların qarşılıqlı münasibətləri qürurvericidir. Türkiyənin böyük dövlət olduğunu vurğulayan Əli Əhmədov xatırladıb ki, bu dövlət iqtisadi baxımdan dünyada 16-cı yerdədir: “Təbii ki, Türkiyənin uğurları bizi çox sevindirir. Türkiyə hər zaman Azərbaycanın yanındadır. Azərbaycan da kiçik dövlət olmasına baxmayaraq, uğurla inkişaf edir. Biz zəngin ölkə olmaq üçün uğurlu siyasət aparırıq. ölkələrimiz arasında ikitərəfli münasibətlər ən yüksək səviyyədədir. Eyni zamanda, beynəlxalq müstəvidə də bir-birimizi dəstəkləyirik”.
Yeni Azərbaycan Partiyası ilə Türkiyənin Ədalət və İnkişaf Partiyası arasında sıx əməkdaşlığın mövcud olduğunu deyən Əli Əhmədov hər iki partiyanın gənclər birliklərinin də yaxşı münasibətlərinin olduğunu vurğulayıb. Onun sözlərinə görə, gənclər öz aralarında təmasları daha da genişləndirməlidirlər. çünki partiyaların gələcək inkişafında onların rolu əhəmiyyətlidir. Əli Əhmədov qeyd edib ki, bütövlükdə YAP geniş beynəlxalq əlaqələrə malikdir.
Ədalət və İnkişaf Partiyasının Gənclər Birliyi sədrinin birinci müavini İsmayıl Karaosmanoğlu Azərbaycana növbəti dəfə səfər etməsindən məmnun olduğunu və özlərini vətənlərində hiss etdiklərini bildirib. O, hər iki partiyanın rəhbərliyinin gənclər arasında münasibətlərin inkişafına böyük önəm verdiyini deyib. İ.Karaosmanoğlu münasibətlərin yüksək səviyyədə olduğunu qeyd edib. Qonaq bildirib ki, bu səfərin əsas məqsədi Ulu öndər Heydər Əliyevə həsr olunmuş konfransda iştirak etməkdir. Onun sözlərinə görə, hər iki dövlətin yüksək əlaqələrinin qurulmasında Heydər Əliyevin misilsiz xidmətləri var.
Nardar BAYRAMLI

Paylaş:
Baxılıb: 1105 dəfə

Xəbər lenti

Hamısına bax

YAP xəbərləri

YAP xəbərləri

YAP xəbərləri

YAP xəbərləri

İqtisadiyyat

YAP xəbərləri

Dünya

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31