Gənclər hər bir ölkənin gələcəyini, inkişafını istiqamətləndirən aparıcı qüvvədir

Bakı:

29 °C

39 %

0 m/s

Əlaqə

AZ RU EN

Ana səhifə / Sosial / Gənclər hər bir ölkənin gələcəyini, inkişafını istiqamətləndirən aparıcı qüvvədir

Gənclər hər bir ölkənin gələcəyini, inkişafını istiqamətləndirən aparıcı qüvvədir

03.02.2015 [18:19]

Fevralın 2-də Nərimanov rayon İcra Hakimiyyəti və rayon gənclər və idman idarəsinin birgə təşkilatçılığı ilə 2 fevral - Azərbaycan Gəncləri Günü münasibətilə tədbir keçirilib.
Əvvəlcə tədbir iştirakçıları ötən illər ərzində rayon gənclərinin aktiv fəaliyyətini əks etdirən fotostendlərlə tanış olublar.
Tədbirdə çıxış edən Nərimanov rayon İcra Hakimiyyətinin başçısı Abdin Fərzəliyev bütün Azərbaycan gənclərini bu əlamətdar bayram günü münasibətilə təbrik edərək, onlara gündən-günə daha da inkişaf edən ölkəmizdə xoşbəxt və firavan gənclik, sağlamlıq və uğurlu gələcək arzulayıb.
A.Fərzəliyev deyib ki, Azərbaycanın dövlət quruculuğu sahəsində gənclərin müstəsna rolunu və 1996-cı il fevralın 2-də müstəqil Azərbaycan Respublikası Gənclərinin Birinci Forumunun keçirildiyini nəzərə alaraq xalqımızın Ümummilli lideri Heydər Əliyev 1997-ci ildə 2 fevral tarixinin Gənclər Günü elan edilməsi haqqında Sərəncam imzalayıb. Ölkəmizdə gənclər günü hər il təntənə ilə qeyd edilir. İcra başçısı gənclərə göstərdiyi diqqət və qayğının bariz nümunəsi olaraq, Ümummilli liderin 1993-cü ildə xalqın tələbi ilə ikinci dəfə ölkəmizdə hakimiyyətə gəldikdən sonra gördüyü ilkin və mühüm işlərdən birinin gənclərin hüquqlarını müdafiə edən ilk dövlət qurumunun - Gənclər və İdman Nazirliyinin yaradılması olduğunu vurğulayıb.
Tədbirdə çıxış edən Milli Məclisin deputatı Adil Əliyev, Prezident Administrasiyasının İctimai-siyasi məsələlər şöbəsinin gənclər təşkilatları ilə iş sektorunun müdiri Vüsal Quliyev, Bakı Şəhər Gənclər və İdman Baş İdarəsinin rəisi Raqif Abbasov və Prezident yanında Gənclər Fondunun icraçı direktoru Fərhad Hacıyev gənclərin hər bir ölkənin gələcəyini, inkişafını istiqamətləndirən aparıcı qüvvə olduğunu bildiriblər. Azərbaycan gənclərinin günümüzün müasir, inkişaf etmiş, yüksək intellektli aparıcı qüvvə kimi formalaşmasında Ümummilli liderin siyasi kursunun layiqli davamçısı Prezident İlham Əliyevin rəhbərliyi ilə həyata keçirilən gənclər siyasətinin mühüm rolu olduğu, eyni zamanda, dövlətimizin başçısının bu gün bütün sahələrdə olduğu kimi, gənclər siyasətinin uğurla davam etdirilməsinə xüsusi diqqət göstərdiyi, gənclər siyasətinin məhz Onun rəhbərliyi ilə yeni mərhələdə daha da inkişaf etdiyi diqqətə çatdırılıb.
Daha sonra Azərbaycan-Slavyan Gəncləri Assosiasiyası İctimai Birliyinin keçirdiyi “İlin gənclər və idman idarəsi” sorğusunda birinci yerə layiq görülmüş Nərimanov rayon Gənclər və İdman İdarəsi mükafatlandırılıb.
Tədbirdə, həmçinin Nərimanov rayon İcra Hakimiyyəti və rayon gənclər və idman idarəsinin adından “2 fevral - Azərbaycan Gəncləri Günü” münasibətilə rayonun ictimai-siyasi, sosial-mədəni həyatında fəal iştirakına görə bir qrup gəncə fəxri fərman və hədiyyələr təqdim olunub.
Tədbir tanınmış incəsənət ustalarının ifasında maraqlı konsert proqramı ilə davam etdirilib.

Paylaş:

Baxılıb: 997 dəfə