Azərbaycanın elm strategiyasında yeni mərhələ açılır

Bakı:

24 °C

57 %

5 m/s

Əlaqə

AZ RU EN

Ana səhifə / YAP xəbərləri / Azərbaycanın elm strategiyasında yeni mərhələ açılır

Azərbaycanın elm strategiyasında yeni mərhələ açılır

05.11.2025 [11:00]

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

Azərbaycanın elmi ictimaiyyəti üçün xüsusilə əlamətdar bir hadisə baş verdi. Noyabr ayının 3-də Azərbaycan Milli Elmlər Akademiyasının 80 illik yubileyi münasibətilə keçirilən tədbirdə ölkə Prezidenti cənab İlham Əliyev çıxış edərək elm ocağının keçdiyi böyük və uğurlu yola nəzər saldı, Azərbaycanın hər zaman öz elminin inkişafına böyük diqqət yetirirdiyini diqqətə çatdırdı. Ölkəmizin Lideri xüsusi ilə, Ulu Öndər Heydər Əliyevin Azərbaycana rəhbərliyinin hər iki dövründə bu sahəyə həssaslıqla yanaşdığını və daim qayğı göstərdiyini qeyd edib:” Müstəqilliyin ilk illəri çox ağır idi, faciəvi idi. O vaxt məhz Heydər Əliyevin qətiyyəti, iradəsi, xalqa olan bağlılığı bizi böyük bəlalardan qurtara bilmişdir. O da çox böyük göstəricidir ki, onun hakimiyyətə qayıdışından sonra Azərbaycan ziyalıları ilə, Azərbaycan ictimaiyyəti ilə ilk görüşü məhz 1993-cü ildə Milli Elmlər Akademiyasında olmuşdur. Beləliklə, o, bir daha müstəqil Azərbaycanın, yəni, yeniləşən Azərbaycanın prioritetlərini açıq şəkildə bəyan etmişdir. Düzdür, o vaxt bizim maliyyə imkanlarımız çox məhdud idi, demək olar ki, yox idi, xəzinə boş idi. Azərbaycan böyük humanitar fəlakətlə üz-üzə idi. Bir milyondan çox qaçqın və məcburi köçkün, torpaqlarımızın işğal altına düşməsi və çox böyük iqtisadi, maliyyə çətinlikləri. Amma buna baxmayaraq, yenə də Akademiyanın işinə, Akademiyanın qorunmasına, alimlərin fəaliyyəti üçün vəsait ayrılırdı”.

“Xalq həmişə öz ziyalıları, öz mədəniyyəti, öz elmi ilə tanınır” söyləyən dahi rəhbər Heydər Əliyevin elmə verdiyi diqqət və qayğı sayəsində ölkədə beş yeni ali təhsil müəssisəsi açılıb, Azərbaycan elmi yeni inkişaf dövrünə qədəm qoyub. Ulu Öndərin elm-təhsil sahəsində apardığı siyasəti uğurla davam etdirən ölkə Prezidenti cənab İlham Əliyevin bu sahəyə diqqəti nəticəsində bu gün də zəngin elmi irsimiz qorunub saxlanır, yeni elmi nailiyyətlər dövlətimizin inkişafına mühüm töhfələr verir.

Azərbaycan Milli Elmlər Akademiyasının 80 illik yubiley tədbirində ölkəmizin Prezidenti cənab İlham Əliyev qeyd edib ki, “Mən 10 il bundan əvvəl - Akademiyanın 70 illiyində bax bu salonda alimlər qarşısında çıxış etmişdim və çalışırdım ki, bu 10 il ərzində ölkə qarşısında duran bütün başqa vəzifələrlə yanaşı, elmin inkişafına da öz dəstəyimi göstərim. Bu gün bəzi fikirlərimi sizinlə bölüşmək istəyirəm. Çünki son 10 il ərzində həm dünyada, həm Azərbaycanda köklü dəyişikliklər baş vermişdir. Dünya iqtisadiyyatı tamamilə dəyişmiş, dünyada gedən siyasi proseslər, müharibələr, hərbi toqquşmalar, beynəlxalq hüququn pozulması, mövcud olan qaydaların tamamilə aradan qaldırılması göz önündədir. Azərbaycana gəldikdə, son 10 il bizim üçün inkişaf və zəfərlərlə zəngin illər olmuşdur. Əsas vəzifə - torpaqlarımızın azad edilməsi, ərazi bütövlüyümüzün bərpası, suverenliyimizin bərpası layiqincə təmin edilmişdir. Bu gün Azərbaycan bütün suveren torpaqlara sahibdir. Bizim ərazimizdə işğalçı qüvvələr yoxdur. Bizim ərazimizdə xarici hərbi birləşmələr yoxdur. Bu gün biz bu torpaqlarda qurub-yaradırıq. Biz bir neçə gündən sonra şanlı Zəfərimizin beşinci ildönümünü qeyd edəcəyik. Son beş il ərzində dünyada bir çox yerlərdə müharibələr, toqquşmalar, münaqişələr baş verirdi və hər şey müqayisə ilə ölçülür. Bunu da alimlər yaxşı bilir. Deyə bilərəm ki, bizim qədər parlaq, tam və mütləq Qələbə qazanan ikinci ölkə olmamışdır”.

80 illik fəaliyyəti dövründə Azərbaycan Milli Elmlər Akademiyası ölkəmizin elm tarixində, milli dilinin, tarixinin öyrənilməsində mühüm addımlar atıb. Elm ocağının keçdiyi yol ölkəmizin elm strategiyasının gələcək mərhələsinə bir baxış oldu. Müasir dövrdə dünya elminin yeni çağırışlarla qarşılaşdığı bir vaxtda Azərbaycan elminin önündə gedən alimlərimiz, ziyalılarımız ölkəmizin uğurlu inkişafına öz töhfələrini əsirgəməyəcəklər.

Paylaş:

Baxılıb: 463 dəfə