Ələt sakinləri bu seçkilərdə də YAP-ın namizədlərinə etimad göstərəcəklər

Bakı:

23 °C

60 %

2 m/s

Əlaqə

AZ RU EN

Ana səhifə / YAP xəbərləri / Ələt sakinləri bu seçkilərdə də YAP-ın namizədlərinə etimad göstərəcəklər

Ələt sakinləri bu seçkilərdə də YAP-ın namizədlərinə etimad göstərəcəklər

03.12.2014 [09:39]

Ələt qəsəbə bələdiyyəsinə Yeni Azərbaycan Partiyası tərəfindən irəli sürülmüş namizədlər və səlahiyyətli nümayəndələr qəsəbədə seçicilərlə görüşüblər
Dünən dekabrın 23-də keçiriləcək bələdiyyə seçkilərində Qaradağ rayonu Ələt qəsəbə bələdiyyəsinə Yeni Azərbaycan Partiyası tərəfindən irəli sürülmüş namizədlər və səlahiyyətli nümayəndələr qəsəbədə seçicilərlə görüşüblər. Görüşdə çıxış edən YAP Qaradağ rayon təşkilatı İdarə Heyətinin üzvü Zaməddin Həmşəyev deyib ki, bələdiyyələrin fəaliyyəti Azərbaycanın demokratik inkişafı baxımından olduqca əhəmiyyətlidir. Onun sözlərinə görə, ölkəmizdə bələdiyyə institutları gənc qurumlar olsa da, inkişaf prosesinə mühüm töhfələr verir. Son illərdə isə onların rolu daha da artıb. O, seçiciləri bu seçkilərdə də fəallıq göstərməyə, həmçinin, YAP tərəfindən irəli sürülən namizədlərə səs verməyə çağırıb.
YAP Qaradağ rayon təşkilatının Aparat rəhbəri Ruslan İsmayılov isə Yeni Azərbaycan Partiyasının dövlətimizin inkişafında oynadığı əhəmiyyətli roldan danışıb. Onun sözlərinə görə, son 10 ildə Azərbaycan iqtisadi cəhətdən böyük inkişaf yolu keçərək bu gün dünyanın inkişaf etmiş dövlətləri ilə bir sırada addımlayır. Azərbaycan ümumi daxili məhsulun artım tempinə görə lider ölkəyə çevrilib: “Əlbəttə ki, bu inkişafın memarı Azərbaycan xalqının Ümummilli lideri Heydər Əliyev və Onun layiqli davamçısı Prezident İlham Əliyevdir. Bu gün Prezidentimizin Sədri olduğu Yeni Azərbaycan Partiyasının fəaliyyəti də məhz dövlətimizin daha da inkişafına, xalqımızın daha yaxşı yaşamasına yönəlib. Ona görə də, partiyamızın fəaliyyəti Azərbaycan xalqı tərəfindən yüksək qiymətləndirilir, dəstəklənir. Biz inanırıq ki, bu bələdiyyə seçkilərində də seçicilər YAP-ın namizədlərinə səs verməklə, ölkəmizin inkişafına növbəti töhfəni verəcəklər”.
Daha sonra çıxış edən YAP Qaradağ rayon təşkilatı İdarə Heyətinin üzvü Şahxələf Xələfov, YAP Qaradağ rayon təşkilatı Gənclər Birliyinin sədri Ramiz Yusubov, digər çıxışçılar - Nizami Mehdiyev, Azad Musayev, Samir Mehdiyev, Asəf Səmədov, Nail Bayramov, Xanım Xancanova, Vəfa Əsədova yarandığı gündən iştirak etdiyi bütün seçkilərdə qələbə qazanan Yeni Azərbaycan Partiyasının bu seçkilərdə də növbəti möhtəşəm qələbə qazanacağına əminliklərini ifadə edərək, seçiciləri fəal olmağa çağırıblar.

Paylaş:

Baxılıb: 894 dəfə