Şəhid ailələrinə,qazilərə,müharibə veteranlarına xüsusi diqqət göstərilməlidir

Bakı:

27 °C

36 %

5 m/s

Əlaqə

AZ RU EN

Ana səhifə / YAP xəbərləri / Şəhid ailələrinə,qazilərə,müharibə veteranlarına xüsusi diqqət göstərilməlidir

Şəhid ailələrinə,qazilərə,müharibə veteranlarına xüsusi diqqət göstərilməlidir

27.07.2022 [10:39]

Azərbaycan Respublikasının müstəqilliyi uğrunda canını fəda etmiş şəhidlərimizin ailələrinə dövlətimiz tərəfindən hər zaman xüsusi diqqət və qayğı göstərilir, onların mövcud problemlərinin aradan qaldırılması üçün mütəmadi olaraq tədbirlər həyata keçirilir.

Belə ki, İkinci Qarabağ müharibəsindən əvvəl və İkinci Qarabağ müharibəsindən sonra şəhid ailələri daim diqqət mərkəzindədir. Bilirik ki, Möhtərəm Prezidentimiz İlham Əliyev cənablarının şəhid ailələri, müharibə əlilləri və müharibə veteranları ilə çoxsaylı görüşləri olur. Onların məişət problemləri ilə yanaşı digər problemləri dövlət xətti ilə həll olunur, 12 min 500-dən çox şəhid ailəsinə dövlət tərəfindən mənzillər, fərdi evlər verilmişdir, minlərlə minik maşınları verilmişdir. Bu proses indidə davam etdirilir. Bakı, Sumqayıt və Abşeron rayonlarında şəhid ailələrinin evlə təminatı məsələləri artıq yekunlaşmaq üzrədir. Digər rayonlarda da dövlət xətti ilə bu iş görüləcəkdir. Yəni, dövlət öz üzərinə düşən vəzifəni icra edir. O cümlədən şəhid ailələrini, müharibə əlillərini işlə təmin etmək üçün çoxsaylı tədbirlər həyata keçirilir. Əsas odur ki, yerlərdə də bu kateqoriyadan olan insanlara diqqət göstərilsin. Rayon icra orqanlarının nümayəndələri onlara biganə qalmamalı, əksinə, daim onların yaşayışı və məşğulluğu ilə maraqlanmalıdırlar.

Tariximizə qızıl hərflərlə yazılmış 44 günlük Vətən müharibəsindən sonrakı bərpa tədbirləri ilə yanaşı, hərbi əməliyyatlardan zərərçəkmiş insanlara, xüsusən də şəhid ailələrinə, qazilərə hərtərəfli qayğı Azərbaycan dövlətinin sosial siyasətinin əsas istiqamətlərindən biridir. Bu sahədə həyata keçirilən tədbirlər respublikamızda sistemli və ardıcıl xarakter daşıyır.

Möhtərəm Prezidentimizin diqqət və qayğısı nəticəsində Vətən Müharibəsi zamanı torpaqlarımızın azad olunmasında qəhrəmanlıq göstərmiş şəxslərə və onların ailə üzvlərinə xüsusi diqqət, qayğı ilə yanaşılır, onlar üçün qanunvericilikdə nəzərdə tutulmuş imtiyaz və müavinətlərin icrası təmin olunur, bu istiqamətdə yeni sosial dəstək proqramları həyata keçirilir.

Bu günlərdə bir neçə rayona icra başçısı qoyulan İcra Başçılarını qəbul edərkən Möhtərəm Prezidentimiz qeyd etdi ki, Rayon icra orqanlarının nümayəndələri, digər rəhbər işçilər şəhid ailələrinə,müharibə əlillərinə və bu kimi kateqoriyadan olan insanlara biganə qalmasınlar, əksinə, daim onların yaşayışı ilə maraqlansınlar, onların məşğulluğu ilə maraqlansınlar.

Qeyd etməliyik ki, 44 günlük vətən müharibəsində qələbəni bizlərə bəxş edən oğullarımız bizim baş tacımızdır. Bu başqa cür ola da bilməz.

YAP Tərtər rayon təşkilatın sədri – Eldar Əsədov

Paylaş:

Baxılıb: 545 dəfə