Əli Həsənov: Belə insanlara biz Azərbaycan xalqı olaraq ictimai nifrətimizi bildirməliyik

Bakı:

11 °C

93 %

6 m/s

Əlaqə

AZ RU EN

Ana səhifə / Siyasət / Əli Həsənov: Belə insanlara biz Azərbaycan xalqı olaraq ictimai nifrətimizi bildirməliyik

Əli Həsənov: Belə insanlara biz Azərbaycan xalqı olaraq ictimai nifrətimizi bildirməliyik

06.02.2013 [03:12]

“Bu gün Xalq yazıçısı adını daşıyan bir adam bəşəri hisslərin önündə getmək əvəzinə, Azərbaycan xalqına şər atır, minlərlə şəhidin ruhunu tapdalayır. Bu gün həmin mənfur dövlətin mərkəzi şəhəri olan İrəvanda nə qədər türk, müsəlman yaşamışdır. İrəvan əhalisinin 90 faizi azərbaycanlılar olmuşdur. Bir fransız rəssamın əsrin əvvəllərində çəkdiyi əsərdə bu şəhərdə çoxlu sayda məscid görmək olur. Bunların hamısı Azərbaycan məscidləri idi. Bura nə zamandan orta əsr Ermənistan torpağı olub?”.
Bunu Azərbaycan Həmkarlar İttifaqları Konfederasiyasının (AHİK) IV qurultayındakı çıxışı zamanı Prezident Administrasiyasının İctimai-siyasi məsələlər şöbəsinin müdiri Əli Həsənov deyib.
Çıxışı zamanı yazıçı Əkrəm Əylislinin “Daş yuxular” əsərinə də münasibət bildirən Əli Həsənovun sözlərinə görə, bir insanın milli vətəndaşlıq hissi, məsuliyyəti yoxdursa onda bəşəri hisslər, məsuliyyət ola bilməz: “Bir insan özünün “bəşəri hisslərini” nümayiş etdirmək üçün xalqına böhtanmı atmalıdır? Bu insan Azərbaycan gənci ilə torpaqlarımızı işğal edən, yüz minlərlə azərbaycanlını qətlə yetirən, Xocalı soyqırımını törədən erməni gəncini müqayisə edir. Ermənini bəşəri, azərbaycanlını isə cılız, düşkün hisslərə malik gənc kimi təsvir edir. Bu insan öz xalqının, millətinin maraqlarını beynəlxalq aləmdə nəyə isə dəyişməyə hazır olduğunu nümayiş etdirir. Belə insanlara biz Azərbaycan xalqı olaraq ictimai nifrətimizi bildirməliyik. Əlbəttə, onu daş-qalaq etməyəcəyik. Biz tolerant xalqıq, belə insanları çox görmüşük, belələrinə dözmüşük”.
Orxan Pamukun “Türklər “erməni soyqırımı”nı tanımalıdır” cümləsinə görə millətinin qınağına çevrildiyini xatırladan şöbə müdiri əlavə edib ki, o, bütün milli dəyərlərindən Nobel mükafatı almaq üçün imtina etdi: “Əgər sənin xalqın yoxdursa, milli mənsubiyyətin şübhə altına alınırsa, səndən millətin, xalqın imtina edirsə, o Nobel mükafatına dəyərmi? Bir insanın milli hissindən yüksək hiss ola bilməz. Azərbaycana internet vasitəsilə meydan oxumaq istəyən neçə-neçə dırnaqarası jurnalistlər, yazıçılar, siyasətçilər, sizcə, Əkrəm Əylisliyə niyə belə münasibət göstərirlər? Düşünürlər ki, bəlkə gələcəkdə hakimiyyətə gəlmək üçün bu fikirlərinə görə onlara kimsə kömək edəcək? Ar olsun belələrinə”.

Paylaş:

Baxılıb: 1036 dəfə