Prezident İlham Əliyev Azərbaycanın alternativsiz lideridir

Bakı:

17 °C

67 %

2 m/s

Əlaqə

AZ RU EN

Ana səhifə / YAP xəbərləri / Prezident İlham Əliyev Azərbaycanın alternativsiz lideridir

Prezident İlham Əliyev Azərbaycanın alternativsiz lideridir

21.09.2013 [10:02]

YAP Mingəçevir şəhər təşkilatı seçicilərlə növbəti görüşünü keçirib
Oktyabrın 9-da Azərbaycanda keçiriləcək prezident seçkiləri ilə bağlı təbliğat-təşviqat kampaniyası çərçivəsində Mingəçevir şəhərində seçicilərlə görüş keçirilib. Yeni Azərbaycan Partiyasının namizədi cənab İlham Əliyevin təbliğat-təşviqat kampaniyası çərçivəsində şəhərin D.Əliyeva küç.21 saylı binanın ərazisində yaşayan seçicilərlə görüşdə çıxış edən YAP Mingəçevir şəhər təşkilatının sədri Cavanşir Yusubov Yeni Azərbaycan Partiyasının namizədi olan cənab İlham Əliyevin həyat və fəaliyyəti ilə bağlı məlumat verib.
Şəhər təşkilatının sədri bildirib ki, son 10 ildə ölkəmiz yüksək səviyyəli inkişaf yolu keçib. C.Yusubov son 10 ildə əldə olunan nailiyyətlərdən danışıb. Qeyd edilib ki, bu müddətdə Azərbaycanın iqtisadiyyatı 3 dəfə artıb, əhalinin gəlirlərində yüksək irəliləyiş nəzərə çarpıb: “Bir faktı səsləndirmək istəyirəm ki, Prezident İlham Əliyev hər zaman regionların sosial inkişafını öz diqqətində saxlayıb. Son 10 ildə regionların sosial-iqtisadi inkişafını özündə əks etdirən Dövlət proqramları şəhərlərimizin, kəndlərimizin daha da yüksək səviyyədə abadlaşmasına, bölgələrdə yeni iş yerlərinin açılmasına, insanların mədəni istirahətinin təşkilinə şərait yaradıb. Prezident İlham Əliyevin Mingəçevir şəhərinə olan diqqət və qayğısı haqqında xüsusi danışmağı bir mingəçevirli kimi özümə borc bilirəm. Yeni müəssisələrin açılışı, salınan yeni parklar şəhərimizin daha da yüksəlməsinə, iqtisadi göstəricilərin artmasına, o cümlədən, mingəçevirlilərin daha firavan yaşamasına yol açıb. Bu gün Mingəçevir özünün inkişafının yeni mərhələsini yaşayır. Mən əminəm ki, qədirbilən mingəçevirlilər bu dəfə də seçkilərdə yüksək fəallıqla iştirak edəcəklər və öz seçimlərində hər zaman olduğu kimi dövlətçiliyimizi, birliyimizi, inkişafımızı seçəcəklər. Prezident İlham Əliyevin Azərbaycanın gələcəyinə ünvanlanmış proqramları yaxın gələcəkdə əldə olunacaq yüksək nailiyyətlərdən xəbər verir. Mən inanıram ki, biz hamımız möhtərəm Prezidentimizin apardığı yüksək səviyyəli inkişaf prosesində yaxından iştirak edəcəyik”.
Çıxış edən millət vəkili, Respublika Həmkarlar İttifaqı Komfederasiyasının sədri Səttar Mehbalıyev də ölkəmizin son illərdə əldə etdiyi iqtisadi nailiyyətlərdən danışıb. Bildirib ki, Prezident İlham Əliyevin ölkəyə rəhbərlik etdiyi 2003-cü ildən bu vaxtadək olan müddət Azərbaycan tarixinə hərtərəfli və sürətli inkişaf dövrü kimi daxil olub. Millət vəkili sosial-siyasi sabitliyin qorunmasının, mövcud iqtisadi inkişafın, hərtərəfli tərəqqinin təməlində Ümummilli liderin inkişaf strategiyası, Onun müəyyənləşdirdiyi və Prezident İlham Əliyev tərəfindən davam etdirilən daxili və xarici siyasət xəttinin dayandığını önə çəkib. Onun sözlərinə görə, gənc dövlətin əsaslarının möhkəmliyi və həyata keçirilən strategiyanın səmərəliliyi məhz Prezident İlham Əliyevin liderlik keyfiyyətləri, zəkası, siyasi iradəsi və uzaqgörənliyi sayəsində mümkün olub. Prezident İlham Əliyev şəxsiyyəti modern cəmiyyətdə lider obrazının ən mühüm cəhətlərini özündə birləşdirir.
Çıxış edən şəhər sakinləri oktyabrın 9-da mingəçevirlilərin birmənalı şəkildə inkişafımızı davam etdirəcək namizədə - Yeni Azərbaycan Partiyasının namizədi cənab İlham Əliyevə səs verəcəyini deyib.
Pərviz SADAYOĞLU

Paylaş:

Baxılıb: 1314 dəfə