Gəncədə Dövlət Suverenliyi Gününə həsr olunmuş tədbir keçirilib

Bakı:

23 °C

44 %

2 m/s

Əlaqə

AZ RU EN

Ana səhifə / YAP xəbərləri / Gəncədə Dövlət Suverenliyi Gününə həsr olunmuş tədbir keçirilib

Gəncədə Dövlət Suverenliyi Gününə həsr olunmuş tədbir keçirilib

20.09.2025 [21:14]

Gəncə Şəhər İcra Hakimiyyəti və YAP Gəncə şəhər təşkilatının birgə təşkilatçılığı ilə “Konstitusiya və Suverenlik İli” çərçivəsində 20 Sentyabr – Azərbaycan Respubliksının Dövlət Suverenliyi Gününə həsr edilmiş tədbir keçirilib.

Tədbirdə YAP İdarə Heyətinin üzvü, YAP Gəncə şəhər təşkilatının sədri Bayram Aslanov, Gəncə Şəhər İcra Hakimiyyətinin başçısının müavini Adil Tağıyev, Türkiyənin Gəncədəki Baş konsulu Recep Öztop, bələdiyyə sədrləri, idarə, müəssisə, təşkilat rəhbərləri, şəhid ailələri, partiya fəalları, ictimaiyyət nümayəndələri və gənclər iştirak ediblər.

Tədbirdə əvvəlcə Ulu Öndər Heydər Əliyevin, Azərbaycanın ərazi bütövlüyü və suverenliyi uğrunda canlarını qurban vermiş şəhidlərin əziz xatirəsi bir dəqiqəlik sükutla yad edilib. Sonra Dövlət Himni səsləndirilib.

Dövlət Süverenliyi Gününə həsr olunmuş videoçarx nümayiş etdirilib.

Gəncə Şəhər İcra Hakimiyyətinin başçısının müavini Adil Tağıyev tədbir iştirakçılarını Dövlət Suverenliyi Günü münasibəti ilə təbrik edərək, bildirib ki, 20 Sentyabr – Dövlət Suverenliyi Günü Azərbaycanın dövlətçilik tarixində yeni mərhələdir. Bu gün xalqımızın əzmini, birliyini və qələbəsini təcəssüm etdirir. Dövlət başçısının Sərəncamı ilə bu günün rəsmiləşdirilməsi Azərbaycan dövlətinin gələcək inkişaf yolunun ideoloji əsaslarını möhkəmləndirir. Azərbaycan xalqı artıq öz taleyinə sahib çıxmış, müstəqil dövlətini qurmuş və inkişaf etdirmişdir. Bu nailiyyətin davamlı olması üçün hər bir vətəndaş dövlət suverenliyinin qorunmasına öz töhfəsini verməli, milli iradəni gələcək nəsillərə ötürməlidir. 20 Sentyabr – yalnız tarix deyil, həm də gələcəyə yönəlmiş strateji mesajdır: Azərbaycanın suverenliyi əbədi, müstəqilliyi dönməz, dövlətçiliyi sarsılmazdır.

Tədbir iştirakçılarını 20 Sentyabr - Dövlət Suverenlik Günü münasibəti ilə təbrik edən Türkiyənin Gəncədəki Baş konsulu Recep Öztop xalqlarımızın və ölkələrimizin qardaşlığının sarsılmazlığından danışıb: ”Azərbaycanın ərazi bütövlüyünün, dövlət suverenliyinin təmin olunması ilə başa çatan 44 günlük Vətən müharibəsi ölkələrimiz arasındakı münasibətlərdə yeni bir tarixi salnaməyə çevrildi”.

Vətən müharibəsi qazisi Mətin Abdinov çıxıçında vurğulayıb ki, dövlətimizin bugünkü gücü və qalib mövqeyi Ümummilli Lider Heydər Əliyevin uzaqgörən siyasəti və həmin siyasətin Prezident, Müzəffər Ali Baş Komandan İlham Əliyev tərəfindən uğurla davam etdirilməsi nəticəsində formalaşıb. 2023-cü il sentyabrın 19-20-də cəmi 23 saat 43 dəqiqə davam edən lokal xarakterli antiterror tədbirləri zamanı rəşadətli Ordumuzun qarşısına qoyulmuş bütün vəzifələri yüksək peşəkarlıqla yerinə yetirməsi nəticəsində Azərbaycanın ərazi bütövlüyü və dövlət suverenliyi tam bərpa edilib. Qururluyuq, bu gün şanlı bayrağımız suverenliyimizin bərqərar olduğu bütün ərazilərdə əzəmətlə dalğalanır.

YAP İdarə Heyətinin üzvü, YAP Gəncə şəhər təşkilatının sədri Bayram Aslanov 2025-ci ilin Azərbaycan xalqının tarixinə Azərbaycan Prezidenti İlham Əliyevin Sərəncamı ilə 2025-ci il “Konstitusiya və Suverenlik İli” elan edilməsi və Konstitusiyamızın qəbul edilməsinin 30-cu ildönümü kimi böyük siyasi hadisələrin qeyd olunması ilə daxil olduğunu bildirdi: “Suverenliyimizin bərpası ilə biz yalnız dövlət sərhədlərini deyil, həm də milli kimliyimizi və tarixi haqlarımızı bərpa etdik. Azərbaycanın qazandığı bu zəfər nəinki regionda, hətta bütün dünyada ədalət və beynəlxalq hüququn təntənəsi kimi yadda qalacaq. Xalqımız isə bu ədalətin qorunması və möhkəmləndirilməsi naminə daha böyük birlik və inamla irəliləyəcək. Artıq Azərbaycan dünyanın heç kimdən asılı olmayan müstəqil siyasət aparan, sözünü deməyi bacaran, nüfuzlu dövlətlərindən biridir. Bu hissləri bizə yaşadan, bizi həmin zirvələrə çatdıran Ali Baş Komandan cənab İlham Əliyevdir”.

Tədbir “Ey Vətən” mahnısının əzəmətli sədaları altında başa çatıb.

Paylaş:

Baxılıb: 424 dəfə