YAP Tovuz rayon təşkilatı parlament seçkilərinə hazırlıq işlərini uğurla davam etdirir

Bakı:

22 °C

55 %

3 m/s

Əlaqə

AZ RU EN

Ana səhifə / YAP xəbərləri / YAP Tovuz rayon təşkilatı parlament seçkilərinə hazırlıq işlərini uğurla davam etdirir

YAP Tovuz rayon təşkilatı parlament seçkilərinə hazırlıq işlərini uğurla davam etdirir

18.08.2015 [10:09]

Rayon təşkilatının Seçki Qərargahının üzvləri arasında iş bölgüsü aparılıb və geniş tədbirlər planı hazırlanıb
Noyabrın 1-də Azərbaycan Milli Məclisinə keçiriləcək seçkilərlə əlaqədar Yeni Azərbaycan Partiyasının (YAP) şəhər və rayon təşkilatları partiyanın İcra Katibliyi tərəfindən tərtib olunmuş plana və partiya rəhbərliyinin tövsiyələrinə uyğun olaraq öz işlərini uğurla davam etdirirlər. YAP-ın şəhər və rayon təşkilatlarında seçki qərargahları yaradılıb və iş bölgüsü müəyyənləşdirilib. YAP-ın Tovuz rayon təşkilatının Seçki Qərargahı da artıq ilk iclasını keçirib. Qərargahın sədri Məzahir Bayramov iclasda çıxış edərək deyib ki, bütün ömrünü xalqımızın, dövlətimizin inkişafına, tərəqqisinə həsr edən Ulu öndər Heydər Əliyev ölkəmizə rəhbərlik etdiyi dövrlərdə Azərbaycanın milli maraqlarını daim üstün tutub. Bu gün Ulu öndərimizin siyasi kursu Prezident İlham Əliyevin rəhbərliyi ilə uğurla davam etdirilir, partiyamız yeni inkişaf mərhələsinə qədəm qoyub: “YAP bu gün mühüm bir seçki kampaniyasına hazırlaşır. Növbəti parlament seçkilərində YAP iqtidar partiyası olaraq öz işini daha fəal və güclü qurmaqdadır. Qarşıdan gələn seçkilərdə hər birimizin üzərinə böyük və məsuliyyətli vəzifə düşür”.
Qeyd edək ki, iclasda Seçki Qərargahının üzvləri arasında vəzifə bölgüsü aparılıb, eyni zamanda, görüləcək işlər müəyyənləşdirilib. Məzahir Bayramov qəzetimizə açıqlamasında vurğulayıb ki, Seçki Qərargahının tərkibinə Tovuz rayonunda kifayət qədər nüfuzu olan, fəaliyyət göstərdikləri sahələrdə etimadı doğrultmuş rayon ziyalıları və ötən illərdə seçki sahəsində təcrübə toplamış insanlar, həmçinin, partiya fəalları daxildir: “Seçki qərargahının üzvləri arasında iş bölgüsü aparılıb və sonrakı mərhələlərdə fəaliyyətimizlə bağlı geniş tədbirlər planı hazırlanıb. Seçici siyahılarının dəqiqləşdirilməsi ilə məşğul olan şəxslər müəyyənləşdirilib, onlar arasında konkret iş bölgüsü aparılıb. Əlbəttə, ötən seçkilərin təcrübələrindən də çıxış edərək deyə bilərik ki, uğurlu seçki kampaniyasının həyata keçirilməsi üçün əsas işlərdən biri də rayon təşkilatı fəallarının işinin və koordinasiyasının uğurlu təşkilidir. YAP Tovuz rayon təşkilatı Seçki Qərargahında da bu məsələ daim diqqətdə saxlanılır. Bundan başqa, qarşıdakı dövrlərdə müxtəlif seçki mərhələlərinin tələblərinə uyğun olaraq ardıcıl tədbirlərin görülməsi də nəzərdə tutulur”.
Tovuz rayonu ərazisində 3 seçki dairəsi üzrə məntəqələrin yerləşdiyini vurğulayan M.Bayramov əlavə edib ki, 104 saylı Gədəbəy-Tovuz, 105 saylı Tovuz və 106 saylı Tovuz-Ağstafa-Qazax seçki dairələri üzrə seçkilərdə Tovuz seçiciləri həmişəki kimi, bu dəfə də fəallıq göstərəcəklər.
Seçki Qərargahının üzvləri YAP-ın bu seçkilərdə də qələbə qazanacağına əmindirlər. Qərargah üzvü Mücəməddin Axundov deyib ki, Prezident İlham Əliyevin rəhbərliyi ilə Azərbaycan dövləti son illərdə çox böyük uğurlar əldə edib, ölkəmizin iqtisadi inkişafı dinamik və davamlı xarakter alıb, insanların rifah halı əsaslı şəkildə yüksəlib, dövlətimizin beynəlxalq mövqeləri xeyli güclənib. Əlbəttə ki, bu nailiyyətlər hər bir vətəndaşımızda haqlı qürur hissi yaradır. Ona görə də, seçicilərin qarşıdan gələn parlament seçkilərində də məhz möhtərəm Prezidentimiz İlham Əliyevin rəhbərlik etdiyi Yeni Azərbaycan Partiyasına səs verəcəyi şübhə doğurmur.

Paylaş:

Baxılıb: 918 dəfə