Mübariz Qurbanlı: YAP hər zaman dialoqa hazırdır

Bakı:

23 °C

50 %

3 m/s

Əlaqə

AZ RU EN

Ana səhifə / Siyasət / Mübariz Qurbanlı: YAP hər zaman dialoqa hazırdır

Mübariz Qurbanlı: YAP hər zaman dialoqa hazırdır

27.11.2013 [09:37]

“Müxalifət mətbuatında Prezident İlham Əliyevin media nümayəndələri ilə görüşünü iqtidar-müxalifət dialoqunun başlanğıcı kimi dəyərləndirmək istəyənlər yanlışlığa yol verirlər”. Bu sözləri SİA-ya açıqlamasında zamanı Yeni Azərbaycan Partiyası (YAP) İcra katibinin müavini, millət vəkili Mubariz Qurbanlı deyib.
Millət vəkili birmənalı şəkildə qeyd edib ki, bu görüş Prezident İlham Əliyevin “Jurnalistlərin dostu” seçilməsi ilə əlaqədar keçirilən tədbir idi: “Bu mərasim hansısa bir iqtidar-müxalifət dialoqu deyil. Azərbaycan Prezidentinin mükafat alması ilə əlaqədar keçirilən mərasim idi. Burada ölkədə fəaliyyət göstərən media qurumlarının nümayəndələri, o cümlədən müxalifət partiyalarının nəzarətində olan mətbuatın nümayəndələri də iştirak edirdi. Prezident İlham Əliyevin Azərbaycanda ikinci dəfə “Jurnalistlərin dostu” seçilməsi zəruri və təbii, qanuni hadisə idi. Bu hadisə Prezident İlham Əliyevin mətbuata göstərdiyi diqqət və qayğının, həyata keçirdiyi siyasətin jurnalist təşkilatları tərəfindən də yüksək qiymətləndirildiyinin əyani sübutu idi”.
Mübariz Qurbanlı vurğulayıb ki, YAP hər zaman dialoqa hazırdır və Azərbaycan cəmiyyətində də dialoq mühiti var: “Kim özünü Azərbaycanda ictimai-siyasi proseslərdən kənarda qoyursa, o kəslər dialoq mühitindən kənardadır. YAP süni surətdə hansısa mövzunu ortaya ataraq, bunu dialoq adı altında qiymətləndirməyin tərəfdarı deyil”.
YAP İcra katibinin müavini Trend-ə açıqlamasında isə vurğulayıb ki, Milli Məclisdə təmsil olunan siyasi partiyalar parlamentin tribunasından, mətbuatda çıxışlar edir, digər partiyalar KİV-dən, internetdən istifadə edir, öz qəzetlərində müxtəlif mövzularda diskussiyalar aparır, yazılar yazır: “Bunun özü cəmiyyətdə siyasi partiyalar arasında dialoqun göstəricisidir. Dialoq var və Azərbaycanda da dialoq mühiti olan və bu mühiti yaradan hakimiyyət var. Ona görə də “kimlə kim dialoqa gedəcək” adı altında bir mövzunu gündəmə gətirmək o qədər də doğru deyil. Dialoq mövzusunu istismar edənlər var. Müxalifət kimə deyirlər? Azərbaycanda 40-dan çox partiya var və onun əksəriyyəti müxalifətdir”.
M.Qurbanlı əlavə edib ki, bu partiyaların müxalifətdə olanının böyük hissəsi parlamentdə təmsil olunur: “Parlamentdə olmaq elə dialoq mühitində olmaq deməkdir. Dialoq deyəndə bəzi radikallar radikal partiyanın nümayəndəsinin hakimiyyətin ali rəhbərliyindən kiminləsə oturub danışmasını nəzərdə tutur. Bu, dialoq deyil, bu, artıq kiminsə kimləsə görüşü ola bilər. Ona görə də, dialoq mühiti mövcud olan cəmiyyətdə “dialoq-dialoq” deyərək onu istismar edənlər başa düşməlidirlər ki, dialoq mühiti həmişə mövcud olub və bu gün də var”.

Paylaş:

Baxılıb: 964 dəfə