Mingəçevir sakinləri 9 oktyabrda Prezident İlham Əliyevə səs verəcəklər

Bakı:

4 °C

65 %

8 m/s

Əlaqə

AZ RU EN

Ana səhifə / YAP xəbərləri / Mingəçevir sakinləri 9 oktyabrda Prezident İlham Əliyevə səs verəcəklər

Mingəçevir sakinləri 9 oktyabrda Prezident İlham Əliyevə səs verəcəklər

20.09.2013 [10:38]

YAP Mingəçevir şəhər təşkilatı seçicilərlə görüş keçirib
Yeni Azərbaycan Partiyası (YAP) Mingəçevir şəhər təşkilatı qarşıdan gələn prezident seçkilərində partiyamızın namizədi cənab İlham Əliyevin təbliğat-təşviqat kampaniyasını uğurla davam etdirir. Kampaniya çərçivəsində seçicilərlə növbəti görüş şəhərin Heydər Əliyev prospekti-49 və Heydər Əliyev prospekti-51 ünvanında keçirilib.
Tədbirdə çıxış edən YAP Mingəçevir şəhər təşkilatının sədri Cavanşir Yusubov bildirib ki, oktyabrın 9-da ölkəmizdə mühüm bir siyasi hadisə-prezident seçkiləri günüdür. C.Yusubov cənab İlham Əliyevin həyata keçirdiyi layihələrdən, görülən işlərdən, ölkəmizdə aparılan abadlıq-quruculuq işlərindən danışıb. Bildirib ki, yaşadığı ərazinin kənd və ya şəhər olmasından asılı olmayaraq, hər bir vətəndaşımız cənab İlham Əliyevin fəaliyyətinin bəhrəsini öz yaşamında, həyatında hiss edir: “Sosial, siyasət, iqtisadiyyat, o cümlədən, başqa istiqamətlərdə atılan addımlar xalqın rifahının yüksəlməsinə yönəldilib. Abadlıq-quruculuq işləri xalqın xoş, rahat yaşayışına şərait yaradır. Biz əminik ki, xalqımız aparılan siyasəti dəstəkləyir. İnsanlarımız son 10 ildə əldə olunan nailiyyətlərlə yanaşı, əsası Ümummilli liderimiz Heydər Əliyev tərəfindən qoyulmuş sabitliyin Prezident İlham Əliyev tərəfindən qorunmasını yüksək qiymətləndirir. Cənab İlham Əliyevin uğurlu rəhbərliyi sayəsində vətəndaşlarımızın rahatlığı, təhlükəsizliyi təmin edilir, ölkəmiz inkişaf tempini gündən-günə artırır”.
Daha sonra çıxış edən YAP fəalları və şəhər sakinləri bildiriblər ki, cənab İlham Əliyevin Prezident olduğu son 10 ildə apardığı fəaliyyət dövlətin və vətəndaşların rifahına, maraqlarının qorunmasına xidmət göstərib. 9 oktyabr günündə məhz bu amil xalq tərəfindən qiymətləndiriləcək. Seçici İslam Abbasov deyib ki, sevindirici haldır ki, məhz Ulu öndər Heydər Əliyevin bizə miras qoyduğu bir ölkədə yaşayırıq. O bildirib ki, cənab İlham Əliyevin apardığı çoxşaxəli siyasi fəaliyyət ölkəmizin siyasi-iqtisadi sferada mühüm uğurlara imza atmasını şərtləndirib.
Daha sonra seçici Firdovsi Allahverdiyev bildirib ki, Azərbaycan xalqı bir zamanların təlatümlü dövrünü başa vurub və sabitliyə qədəm qoyub. Artıq insanlar mədəni, mütəşəkkil qaydada heç bir təzyiqə məruz qalmadan, azad, şəffaf və demokratik şəkildə seçki məntəqələrinə gedərək öz seçimlərini edirlər. Seçicilərimiz isə cənab İlham Əliyevə səs verməklə yanaşı, öz gələcəklərinə, sabitliyə, inkişafa, övladlarının xoşbəxt yaşamına səs verəcəklər.
Daha sonra çıxış edən seçici Sabir Mirzəyev son illərdə maaşların, təqaüdlərin davamlı şəkildə artımından danışıb. O deyib ki, cənab İlham Əliyev Azərbaycan xalqının sevgisini, inamını qazanıb və oktyabrın 9-da keçiriləcək seçkilərdə xalqımızın seçimi cənab İlham Əliyev olacaq.
Pərviz SADAYOĞLU

Paylaş:

Baxılıb: 1155 dəfə