Tovuzda “27 Sentyabr – Anım Günü”nə həsr olunmuş vətənpərvərlik mövzusunda rəsm sərgisi və anım tədbiri keçirilib

Bakı:

31 °C

39 %

3 m/s

AZ RU EN

Ana səhifə / YAP xəbərləri / Tovuzda “27 Sentyabr – Anım Günü”nə həsr olunmuş vətənpərvərlik mövzusunda rəsm sərgisi və anım tədbiri keçirilib

Tovuzda “27 Sentyabr – Anım Günü”nə həsr olunmuş vətənpərvərlik mövzusunda rəsm sərgisi və anım tədbiri keçirilib

26.09.2025 [17:09]

“27 Sentyabr-Anım Günü” münasibətilə Tovuz rayonunun Y.Sadıqov adına Bozalqanlı kənd tam orta ümumtəhsil məktəbində vətənpərvərlik mövzusunda rəsm sərgisi və anım tədbiri təşkil olunub.

Əvvəlcə tədbir iştirakçıları məktəblilərin vətənpərvərlik mövzusunda hazırladıqları rəsm sərgisinə baxış keçiriblər. Şagirdlərin təqdim etdiyi rəsmlərdə Vətən müharibəsinin qəhrəmanlıq ruhu, şəhidlərimizin əziz xatirəsi və Azərbaycanın şanlı Zəfəri öz əksini tapıb.

Sərgiyə baxışdan sonra məktəbin akt zalında anım tədbiri keçirilib. Tədbir Azərbaycanın Dövlət Himninin səsləndirilməsi və Vətən uğrunda canlarını fəda etmiş şəhidlərin xatirəsinin bir dəqiqəlik sükutla yad edilməsi ilə başlayıb.

Tədbirdə çıxış edən Yeni Azərbaycan Partiyası Tovuz rayon təşkilatının sədri Nihad Pənahov, 27 Sentyabr tarixinin Azərbaycan xalqı üçün dərin mənəvi-siyasi əhəmiyyət daşıdığını vurğulayıb. O, bildirib ki, bu gün şəhidlərimizin qəhrəmanlığı, dövlətimizin gücü və xalqımızın birliyi sayəsində tarixə Zəfər Günü kimi yazılıb. Nihad Pənahov qeyd edib ki, bu cür tədbirlər gənclərin vətənpərvərlik ruhunda tərbiyə olunmasında mühüm rol oynayır.

Sonra RİH başçısının müavini-İctimai-siyasi və humanitar məsələlər şöbəsinin müdiri Təranə Bayramova çıxış edərək bildirmişdir ki, Ermənistanın Azərbaycana qarşı 2020-ci il sentyabrın 27-dən başlayan növbəti hərbi təcavüzünə cavab olaraq, Azərbaycan xalqı işğal altındakı torpaqlarımızın azad edilməsi məqsədilə Vətən müharibəsinə başlamışdır. Haqq və Şərəf işimiz olan, Azərbaycan Respublikasının suverenliyi və ərazi bütövlüyü uğrunda gedən mübarizədə qəhrəmanlıq göstərən əsgər və zabitlərimiz, arxa cəbhədə çalışan mülki insanlarımız, bütövlükdə xalqımız əzm və iradə, bir yumruq kimi birlik və həmrəylik nümayiş etdirərək, düşmənə sarsıdıcı zərbələr endirmişdir. Azərbaycan xalqı bu günü böyük hüzn və eyni zamanda böyük qürur hissi ilə yad edir. Çünki 27 Sentyabr 2020-ci ildə başlayan Vətən müharibəsi tariximizin qəhrəmanlıq salnaməsinə çevrildi. Ali Baş Komandan, Müzəffər Prezidentimiz cənab İlham Əliyevin rəhbərliyi ilə xalqımız bir yumruq kimi birləşdi, ordumuz isə misilsiz qəhrəmanlıq göstərərək torpaqlarımızı işğaldan azad etdi.

Tovuz rayon üzrə Təhsil Sektorunun müdiri Aysel Quliyeva, Y.Sadıqov adına Bozalqanlı kənd tam orta ümumtəhsil məktəbinin direktoru Elmira Mürşüdlü, şəhid anası Aytəkin İsmayılova, Vətən müharibəsi əlili Nahid Hacıyev və müharibə iştirakçısı Eyvaz Süleymanov şəhidlərimizin qəhrəmanlığı, qazilərimizin fədakarlığı və xalqımızın qürurverici birliyi barədə fikirlərini bölüşüblər. Çıxışlarda vurğulanıb ki, şəhidlərin əziz xatirəsi daim qəlblərdə yaşayacaq, onların mübarizəsi isə gələcək nəsillər üçün nümunə olacaqdır.

Sonda 27 Sentyabr – Anım Gününə həsr olunmuş videoçarx nümayiş etdirilib.

Paylaş:

Baxılıb: 410 dəfə